baydin «kowid – 19» yuqumida qaza qilghanlar üchün xatirilesh murasimi ötküzdi

amérika pirézidéntliqigha saylanghan jo baydin we muawin pirézidéntliqqa saylanghan kamala harris, washingtonda qesem ichip wezipe tapshuruwélish murasimi harpisida «kowid – 19» yuqumi sewebidin qaza qilghan 400 ming kishini xatirilesh murasimi ötküzdi.

1567700
baydin «kowid – 19» yuqumida qaza qilghanlar üchün xatirilesh murasimi ötküzdi

türkiye awazi radiyosi xewiri: murasimgha repiqisi jil baydin bilen birlikte qatnashqan baydin, bu yerde qilghan sözide, mundaq dédi: «saqiyishimiz üchün xatirilishimiz kérek. bezide xatirilesh tes bolsimu, emma saqiyish üchün bir millet süpitide xatirilishimiz nahayiti muhim, shunglashqa biz bügün arimizdin ayrilip qalghanlar yéqin – yoruqlirimizni xatirilesh üchün bu yerdimiz.»

baydin, bügün qattiq bixeterlik tedbirliri astida bashlinidighan  wezipe tapshuruwélish murasimida, amérika qoshma ishtatlirining 46 – pirézidénti bolidu.

qesem ichip wezipe tapshuruwélish murasimigha amérika qoshma ishtatliri pirézidénti donald tramp ishtirak qilmaydu, emma muawin pirézidént mayk péns qatnishidu.



مۇناسىۋەتلىك خەۋەرلەر