makron erdoghangha mektup yollidi
firansiye pirézidénti émmanuél makron jumhur reis rejep tayyip erdoghangha mektup yollap, 2021 – yili yawropaning muqimliqigha türkiyening hesse qoshushini kütüwatqanliqini bildürdi.
türkiye awazi radiyosi xewiri: «‹L'Opinion› géziti» ning xewer qilishiche, makron, «kowid – 19» yuqumi bilen yuqumlanghan mezgilde, jumhur reis rejep tayyip erdoghanning 19-dékabir küni hal sorap yazghan xétige jawaben yollighan mektubida, semimiy ipadilerni ishletken.
mektupni türkche «hörmetlik tayyip ependim» dep bashlighan firansiye pirézidénti émmanuél makron, türkiye xelqi we jumhur reis erdoghangha eng yaxshi tileklerde bolghan.
«kowid – 19» yuqumigha qarshi küresh mesiliside jumhur reis erdoghanning qarashlirigha qoshulidighanliqini eskertken makron, bu mesilide, bolupmu yawropa ittipaqi – türkiye munasiwetlirining kélechiki mesiliside söhbet élip bérishtin memnun bolidighanliqini tekitlep mundaq dégen: «2021 – yilining yawropa qiteside türkiyening töhpiliri bilen muqimliq ornitilghan bir yil bolushini ümid qilimen.»
xewerde déyilishiche, ikki rehber, yéqinda widéo konférans wasitisi arqiliq körüshken.
gézitning xewiride tekitlinishiche, téléfon söhbitide yene, ezerbeyjan – erméniye otturisidiki taghliq qarabagh toqunushining bashlirida, jumhur reis rejep tayyip erdoghan firansiye pirézidénti émmanuél makronning körüshüsh telipini ret qilghan, emma 15 ayliq sürkilishtin kéyin, 2020 – yili dékabirning otturiliri ikki dölet munasiwetliri yaxshilinishqa qarap yüzlengen.
