türkiye hindonéziyege teziye bildürdi

türkiye awazi radiyosi xewiri: türkiye jumhuriyiti tashqi ishlar ministirliqi yazma bayanat élan qilip: «hindonéziyening gherbiy sulawési ölkisining majéné shehiride bügün 6.2 bal yer tewrep, köp sanda ademning qaza qilishi we nurghun ademning yarilinishini keltürüp chiqarghanliqidin chongqur qayghurush ichide xewer taptuq» dédi.

hayatidin ayrilghanlargha allahtin rehim – shepqet tilengen bayanatta, ularning tughqanliri bilen dost we qérindash hindonéziye xelqi we hökümitige semimiy teziye bildürüldi we yaridarlargha téz shipaliq tilendi.

gherbiy sulawési ölkisi tebiiy apetler orgini reisi darno majid, özliri hazirghiche érishken uchurlargha asaslanghanda, majéné shehiride yüz bergen yer tewreshte qaza qilghanlar sanining 35 ke yetkenlikini bildürdi.

hazirghiche 637 ademning yarilanghanliqi we 15 mingdin artuq ademning bixeter jaylargha tarqaqlashturulghanliqi bildürülgen yer tewreshte, munasiwetlik xadimlerning izdesh we qutquzush xizmetliri dawamlashmaqta.