salih: tramp hökümiti talibangha ziyade imtiyaz bérip xata qildi

afghanistanning birinchi muawin pirézidénti emrullah salih, donald tramp rehberlikidiki amérika qoshma ishtatlirining talibanlargha ashurup imtiyaz bérish arqiliq éghir xataliq ötküzgenlikini ilgiri sürdi.

1564529
salih: tramp hökümiti talibangha ziyade imtiyaz bérip xata qildi

türkiye awazi radiyosi xewiri: salih bayanat élan qilip, amérika bilen taliban otturisidiki kélishimning xata emeslikini, emma amérikaning talibanlargha ashurup imtiyaz bérish arqiliq éghir xataliq ötküzgenlikini otturigha qoydi.

u amérika armiyesining afghanistandin ayrilishining zorawanliqning köpiyishini keltürüp chiqiridighanliqini tilgha élip, talibangha shertsiz we kapaletsiz ishinishning aqiwitining xeterlik bolidighanliqini tekitlidi.

afghanlar ara tinchliq söhbetliri bashlinishtin burun amérika wekiller ömikining yanlirigha kelgenlikini bildürgen salih: «amérika wekiller ömiki bizge besh ming taliban mehbusni qoyup bersenglar zorawanliq axirlishidu, dep qesem bergenidi. eksiche, mehbuslarning qoyup bérilishi bilen zorawanliq köpiyip ketti» dédi.

u, talibanlarning «térrorluq teshkilati elqaide bilen bolghan munasiwitini üzidighanliqi» toghrisidiki wedisini emelge ashurmighanliqini, elqaide bilen bolghan munasiwitining yenila dawam qiliwatqanliqini sözlirige ilawe qildi.



مۇناسىۋەتلىك خەۋەرلەر