maykrosoftning qurghuchisi wirus ishlepchiqirish bilen eyiblendi
péruda bir sot mehkimisi maykrosoft shirkitining qurghuchisi bil geyts, amérikaliq karxanichi jorj soros we dunyadiki eng bay aile rokféllérni «kowid – 19» yuqumining yéngi türini ishlepchiqirish bilen eyiblidi.
türkiye awazi radiyosi xewiri: pütkül dunyani qaplap ketken «kowid – 19» wirusining tejribixana muhitida ishlepchiqirilghanliqi ilgiri sürüldi.
péruda bir sot mehkimis, «kowid – 19» wirusining qandaq tarqilip ketkenlikini tekshürüsh qarari chiqardi.
mezkur sot mehkimisi, «kowid – 19» wirusining bay shexslerning wasitisi arqiliq otturigha chiqqanliqini, bu wirusning otturigha chiqishigha, bil geytis, jorj soros we rokféllérning xataliqining seweb bolghanliqi ilgiri sürdi.
rusiye taratqulirining xewer qilishiche, qararnamiside, «bil geytis, jorj soros we rokféllérge oxshighan yéngi dunya tertipini qurghuchilarning sirtida, héchqandaq dunya hökümiti, heqiqiy we qanuniy küchke ige shexslerning, bu yuqumning aldin perez qilghili bolidighanliqini ilgiri sürüshi mumkin emes» déyilgen sot mehkimisining bu qarari, axbarat wasitiliri we ammiwi taratqularning diqqitini qozghighandin kéyin, péru aliy sohkimisi, tekshürüsh qararnamisini imzalighan sotchilarni aldin tekshürüshni qararlashturghan.
xewerde déyilishiche, bu talash – tartishlarning nishani, bil geyts repiqisi bilen birlikte qurghan, « Bill & Melinda Gates fondi» ning yer shari xaraktérlik waksina ittipaqi iken.
ammiwi taratqularda köpligen tordashlar bil geytsni eyibligenidi. intérnét muhitida nurghun süyqest nezeriyeliri tarqalghan, bil geytis, milyardlarche insanni «mikro özek» bilen közitish üchün «kowid – 19» yuqumi waksinisi ishlepchiqirish bilen qattiq eyiblengenidi.