kanada ministirlar kabinétidiki musulman ministirlarning sani ashti

türkiye awazi radiyosi xewiri: kanada bash ministirliq ishxanisining bayanatida, yéngiliq yaritish, ilim-pen we sanaet ministiri nawdip beynisning pinsiyege chiqishni telep qilip ministirliqtin ayrilghanliqi bildürüldi.

bayanatta, nawdip beynis ayrilghan ministirliq wezipisige mewjut tashqi ishlar ministiri firanschois-filip champagénning teyinlengenliki we qatnash ministiri mark garnawning bolsa, kanadaning yéngi tashqi ishlar ministiri bolghanliqi uqturuldi.

kanada bash ministiri trudo kabinéttiki özgirishte winnipég parlamént ezasi jim karri da albértani manitoba we saskachéwan qatarliq ölkilerge mesul ministir qilip teyinlidi.

bash ministirliqning bayanatigha asaslanghanda, mark garnaw boshatqan qatnash ministirliq wezipisige trudoning parlamént katipi we toronto parlamént ezasi ömer alghabra teyinlengen.

tégi somaliliq «aile, balilar we ijtimaiy tereqqiyat» ministiri ehmed hüseyin bilen tégi afghanistanliq «ayallarning salahiyiti » ministiri meryem monseftin kéyin, tégi seudi erebistanliq ömer alghabra kanada ministirlar kabinétigha kirgen üchinchi musulman ministir boldi.

kanada hökümiti ministirlar kabinétidiki bu özgirish omumiy waliy juli payété qatnashqan sinliq qesem  bérish murasimi bilen resmiy küchke ige boldi.