tramp baydinning qesem ichish murasimigha qatnashmaydighanliqini bildürdi

amérika qoshma ishtatliri pirézidénti donald tramp pirézidéntliqqa saylanghan jo baydinning 20 – yanwar küni ötküzülidighan qesem ichip wezipe tapshuruwélish murasimigha qatnashmaydighanliqini bildürdi.

1560382
tramp baydinning qesem ichish murasimigha qatnashmaydighanliqini bildürdi

türkiye awazi radiyosi xewiri: tramp, ammiwi ortaqlishish tor béti Twitter sehipiside, élan qilghan bayanatida, baydinning qesem ichip wezipe tapshuruwélish murasimigha qatniship qatnashmaydighanliqigha alaqidar soallargha jawab bérip mundaq dédi: «bu mesilige qiziqidighanlargha béridighan jawabim shuki, 20 – yanwar küni ötküzülidighan murasimgha qatnashmaymen.»

jo baydin bolsa, trampning murasimgha qatnashmaydighanliqigha inkas qayturup, «trampning murasimgha kelmesliki téximu yaxshi, derweqe, u dölet üchün nomussizliq menbesi» dédi, emma u, muawin pirézidént mayk pénsni murasimda körüshtin pexirlinidighanliqini éytti.

yene bir tereptin, démokratlar, «dölet mejlisige bésip kirish teshebbusining jawabkari» dep qarawatqan pirézidént trampqa qarshi düshenbe küni yéngi bir wezipisidin yiraqlashturush basquchini ishqa kirishtürüshke teyyarlanmaqta.

amérika taratqulirining xewer qilishiche, awam palatasining bashliqi nansi pélosi, jüme küni démokrat wekiller bilen bir yerge jem bolghanda, mundaq dégen: «trampning mayk péns teripidin wezipisidin qaldurulushini ümid qilimen, undaq bolmaydiken, trampni wezipisidin yiraqlashturush basquchini ishqa kirishtürimiz.»

igilinishiche, awam palatasida trampni wezipisidin qaldurush mesilisi awazgha qoyulup, tramp eyiblengen teqdirde, tramp «uda ikki qétim wezipisidin qaldurulush toghruluq eyiblengen» tunji pirézidént bolidiken.

amérika qoshma ishtatlirida élip bérilghan ray sinash netijilirimu, charshenbe künidiki dölet mejlisige bésip kirish teshebbusidin kéyin, xelqning % 57 tining «tramp derhal wezipisidin qaldurulushi lazim» dep qaraydighanliqini otturigha qoyghan.


خەتكۈچ: #murasim , #baydin , #tramp , #amérika

مۇناسىۋەتلىك خەۋەرلەر