bilim heyitige xitay chégrasidin kirishike ruxset qilinmidi

dunya sehiye teshkilati diréktori tédros adxanom ghébréyésus(Tedros AdhanomGhebreyesus)wuxen wirusi (Kovid-19)ning yiltizini tekshüridighan xelqaraliq mutexessisler bilim heyitining xitaygha kirishige ruxset qilinmighanliqidin ümidsizlengenlikini bildürdi.

1558381
bilim heyitige xitay chégrasidin kirishike ruxset qilinmidi

türkiye awazi radiyosi xewiri: dunya sehiye teshkilatining diréktori tédros tünügün (2021-yili 5-yanwar) shiwéytsariye paytexti jenwediki teshkilat merkizide, 2021-yilining tunji sinliq axbarat élan qilish yighinini ötküzdi.

u wuxen wirusining yiltizini tekshürüp-tetqiq qilish üchün mushu heptide xitaygha bérishi pilan qilinghan alimlar heyiti toghrisida toxtaldi.

u: «xitay dairilirining xitaygha baridighan heyetning resmiyetlirini axirlashturmighanliqidin xewer taptuq. heyetning ikki ezasining xéli baldurla xitay sepirini bashlap bolghanliqini we bashqilarning axirqi minutlarda sepirini bashliyalmighanliqini anglap, intayin ümidsizlendim» dédi.

u yuqiri derijilik xitay emeldarliri bilen alaqe qiliwatqanliqlirini eskertip, xitay dairilirige wirusning yiltizini tekshürüp- tetqiq qilishning, dunya sehiye teshkilati we xelqaraliq heyetning aldin ehmiyet béridighan xizmiti ikenlikini yene bir qétim yetküzgenlikini bildürdi.

dunya sehiye teshkilati jiddiy ishlar pirogrammisining diréktori mayk ryan (Mike Ryan) wiza resmiyetlirining teshkilat bilim heyitining xitaygha bérishigha tosqunluq qilghanliqini qeyt qildi.



مۇناسىۋەتلىك خەۋەرلەر