tramp xitay shirketlirini jazalash buyruqini qayturuwaldi

niyu york aksiye baziri üch xitay shirkitining paycheklirini chiqiriwétish qararining qayturuwélinghanliqini bildürdi.

1557683
tramp xitay shirketlirini jazalash buyruqini qayturuwaldi

türkiye awazi radiyosi xewiri: niyu york aksiye baziri bayanat élan qilip, üch xitay shirkitining paycheklirini chiqiriwétish qararini toxtitishning, pirézidént trampning yolyoruqi boyiche bolghanliqini eskertti.

pirézidént tramp 2020-yili 12-noyabir perman jakarlap, amérika hökümitining xitay armiyesige tewe bolghan yaki xitay armiyesining kontrol qilidighanliqi bayqalghan shirketlerning paycheklirini, amérika aksiye bazirida sétishni chekligen idi.

niyu york aksiye baziri 2020-yili 31-dékabir «xitay télékom», «xitay köchme xewerlishish» we «xitay birleshme xewerlishish xongkong» shirketlirining paycheklirini sétishning, «amérika puqralirining xitay kompartiyesining herbiy shirketlirige meblegh salmasliqi meqsitide 11-yanwarghiche toxtitilidighanliqi» ni élan qilghan idi.

xitay soda ministirliqi amérikaning qararigha jawaben élan qilghan bayanatida, télékom shirketlirining xitay armiyesi bilen héchqandaq alaqisining yoqluqini ilgiri sürüp, ularning aksiye baziridin chiqiriwétilishining naheq bolghanliqini tekitligen idi.

xitay soda ministirliqi bayanatida: «amérikaning dölet bixeterlikini bahane qilip, xitay shirketlirige ‹kompartiye herbiy shirketliri› dep ayrimichiliq qilishini qobul qilmaymiz. xitay shirketlirining qanunluq heq-hoquqini we menpeetini qoghdash üchün zörür tedbirlerni alimiz» dégen idi.



مۇناسىۋەتلىك خەۋەرلەر