xewpsizlik kéngishige yéngi waqitliq ezalar saylandi

türkiye awazi radiyosi xewiri: b d t xewpsizlik kéngishining yéngi waqitliq ezaliqigha saylanghan irélandiye, norwégiye, hindistan, méksika we kéniye xewpsizlik kéngishidiki orunlirini aldi.

b d t xewpsizlik kéngishining yéngi ezaliri 2021-2022-yilliq mezgilde 15 ezagha ige kéngeshning waqitliq ezasi süpitide xizmet qilidu.

irélandiye, norwégiye, hindistan, méksika we kéniye kéngeshte ikki yilliq wezipe ötesh waqti toshqan bélgiye, gérmaniye, dominika jumhuriyiti, hindonéziye we jenubiy afriqaning ornigha ötti.

xewpsizlik kéngishining yanwar éyidiki nöwetchi reislikini waqitliq ezalardin tunis öz üstige alidu. 15 ezagha ige b d t xewpsizlik kéngishining besh daimiy ezasi bolghan amérika, engliye, firansiye, rusiye we xitayning ret qilish hoquqi bar. qalghan 10 eza dölet b d t ning besh jughrapiyelik guruppisi ichidin b d t omumiy kéngishide ikki yilliq wezipige saylinidu.