хәвпсизлик кеңишигә йеңи вақитлиқ әзалар сайланди
иреландийә, норвегийә, һиндистан, мексика вә кенийә б д т хәвпсизлик кеңишиниң вақитлиқ әзалиқиға сайланди.
түркийә авази радийоси хәвири: б д т хәвпсизлик кеңишиниң йеңи вақитлиқ әзалиқиға сайланған иреландийә, норвегийә, һиндистан, мексика вә кенийә хәвпсизлик кеңишидики орунлирини алди.
б д т хәвпсизлик кеңишиниң йеңи әзалири 2021-2022-йиллиқ мәзгилдә 15 әзаға игә кеңәшниң вақитлиқ әзаси сүпитидә хизмәт қилиду.
иреландийә, норвегийә, һиндистан, мексика вә кенийә кеңәштә икки йиллиқ вәзипә өтәш вақти тошқан белгийә, германийә, доминика җумһурийити, һиндонезийә вә җәнубий африқаниң орниға өтти.
хәвпсизлик кеңишиниң йанвар ейидики нөвәтчи рәисликини вақитлиқ әзалардин тунис өз үстигә алиду. 15 әзаға игә б д т хәвпсизлик кеңишиниң бәш даимий әзаси болған америка, әнглийә, фирансийә, русийә вә хитайниң рәт қилиш һоқуқи бар. қалған 10 әза дөләт б д т ниң бәш җуғрапийәлик гурупписи ичидин б д т омумий кеңишидә икки йиллиқ вәзипигә сайлиниду.
