ئامېرىكا: «USS Nimitz» ناملىق ئاۋېياماتكىمىز ئوتتۇرا شەرقتە تۇرۇشنى داۋاملاشتۇرىدۇ

ئامېرىكا دۆلەت مۇداپىئە مىنىستىرلىقى، ئىراننىڭ قىلغۇسى ھۇجۇملىرىدىن ساقلىنىش ئۈچۈن رايوندىن چېكىندۈرىدىغانلىقىنى جاكارلىغان «USS Nimitz» ئاۋىياماتكىسىنى ئوتتۇرا شەرقتە تۇرغۇزۇشنى داۋاملاشتۇرۇشنى قارار قىلدى.

1556690
ئامېرىكا: «USS Nimitz» ناملىق ئاۋېياماتكىمىز ئوتتۇرا شەرقتە تۇرۇشنى داۋاملاشتۇرىدۇ

تۈركىيە ئاۋازى رادىيوسى خەۋىرى: ئامېرىكا دۆلەت مۇداپىئە مىنىستىرى كرىستوفىر مىللېر يازما بايانات ئېلان قىلىپ، ئاۋىياماتكىنىڭ بۇرۇنقى ۋەزىپە ئۆتەش ئورنىدا تۇرغۇزۇشنىڭ قارار قىلىنغانلىقىغا ئىشارەت قىلىپ، «مەن ئىران رەھبەرلىرى پىرېزىدېنت دونالد ترامپ ۋە باشقا ئامېرىكا ئەمەلدارلىرىغا تەھدىت سالغان بولغاچقا، USS Nimitz ئاۋىياماتكىسىنىڭ نورمال ۋەزىپە ئۆتەش ئورنىنى ئالماشتۇرۇشنى توختىتىش توغرىسىدا بۇيرۇق چۈشۈردۈم. USS Nimitz ئامېرىكا مەركىزى قىسىملار قوماندانلىقى رايونىدىكى ۋەزىپىسىنى داۋاملاشتۇرىدۇ» دېگەنلەرنى قەيت قىلدى.

ئامېرىكا دۆلەت مۇداپىئە مىنىستىرلىقى — پېنتاگون، 12- ئاينىڭ 31- كۈنى بايانات ئېلان قىلىپ، رايوندىكى «USS Nimitz» ئاۋىياماتكىسىنى ئىراننىڭ قىلغۇسى ھۇجۇملىرىنىڭ تەسىرىدىن ساقلاپ قېلىش ئۈچۈن ئامېرىكاغا قايتىشى توغرىسىدا بۇيرۇق چۈشۈرۈلگەنلىكىنى بىلدۈرگەنىدى.

ئامېرىكا ئىران ئىنقىلاب مۇھاپىزەتچىلىرى ئارمىيەسى قۇددۇس قىسىملىرى قوماندانى گېنېرال قاسىم سۇلەيمانىنىڭ ۋاپات بولغان خاتىرە كۈنىدە ئىراننىڭ رايوندىكى ئامېرىكا قىسىملىرىغا ھۇجۇم قىلىشى ئېھتىماللىقىنى نەزەردە تۇتۇپ خېلىدىن بۇيان چارە – تەدبىرلەرنى يولغا قويۇپ كېلىۋاتاتتى.

ئامېرىكا 2020- يىلى 1-ئاينىڭ 3- كۈنى باغداد ئايرودۇرۇمىغا ئەمدىلا يېتىپ كەلگەن ھامان ھاۋادىن ھۇجۇم قىلىپ قاسىم سۇلەيمانىنى ئۆلتۈرگەن، ۋەقەدىن كېيىن ئىران ئىراقتىكى ئامېرىكا ئەسكەرلىرى گازارمىسىغا باشقۇرۇلىدىغان بومبا قويۇپ بەرگەنىدى.



مۇناسىۋەتلىك خەۋەرلەر