хитай: русийә билән истиратегийәлик һәмкарлиқимизниң чеки йоқ
хитай ташқи ишлар министири ваң йи москва билән бейҗиң оттурисидики истиратегийәлик һәмкарлиқниң ахири, чеки вә тар саһәлириниң йоқлуқини ейтти.
түркийә авази радийоси хәвири: хитай: ваң йи, шинхуа агентлиқи вә хитайниң мәркизи телевизийә қанили (CCTV) гә бәргән байанатида, мундақ деди: «алдинқи йили русийә – хитай мунасивәтлири ковид – 19 йуқуми синиқидин өтүп вә өзгиришләрниң хирислириға бәрдашлиқ берип, һәр җәһәттин тарихтин буйанқи әң йүксәк сәвийәгә йәтти.»
у, икки дөләт хәлқлириниң «ковид – 19» йуқумиға қарши күрәштә өзара йардәм берип вә бир – бирини қоллап келиватқанлиқини әскәртиш билән бир вақитта, тәрәпләрниң «ковид – 19» йуқумини контрол қилиш вә алдини елиш саһәсидә, ваксина вә дориларни тәтқиқ қилип йасашта зич һәмкарлиқ орнитишни изчил давамлаштуридиғанлиқини тәкитләп мундақ деди: «һәр икки тәрәпму ишлар вә ишләпчиқиришниң қайтидин башлинишини пүтүн күчи билән қоллимақта, зәнҗирсиман ишләпчиқириш вә заказ қилишни ишқа ашурмақта, бу сайида чоң – чоң лайиһәләр муқим һаләттә алға илгирилимәктә, дигитал иқтисад вә тор содиси қатарлиқ йеңи форматсийә вә моделларда һәмкарлиқниң даириси тезлик билән кеңәймәктә.»
