xitay amérikani «teywendiki musteqilliqini qolaydighanlargha xata signal berdi» dep eyiblidi
xitay amérikaning teywen boghuzidin ikki yétekchi bashqurulidighan bomba qoghlighuchi paraxotini ötküzüsh arqiliq teywenning musteqilliqini qolaydighan bölgünchilirige xata signal bergenlikini élan qildi.
türkiye awazi radiyosi xewiri: xitay dölet mudapie ministirliqi bayanatchisi wu chén yazma bayanat élan qilip, amérika déngiz armiyesige tewe «arléy burk» tipliq bashqurulidighan bomba qoghlighuchi paraxoti «USS John S. McCain» we «USS Curtis Wilbur» ning teywen boghuzidin ötüshi üstide toxtaldi.
bayanatchi wu bu ishqa qarita: «küch körsitish we ighwagerchilik» dep baha berdi.
bayanatchi wu: «amérika paraxotlirining bu herikiti teywenning musteqilliqini qollaydighan bölgünchilkerge xata signal berdi. teywen boghuzi rayonining tinchliqi we muqimliqini éghir derijide xewpke ittirdi. biz bu heriketke qetiy qarshi turimiz» dédi.
amérika déngiz armiyesi teripidin élan qilinghan bayanatta, paraxotlarning xelqara qanungha uyghun shekilde teywen boghuzidin qerellik ötüshni ishqa ashurghanliqi bildürüldi.
xitay hökümiti «bir xitay» prinsipini ilgiri sürüp, xelqara jemiyette xitaygha peqet öziningla wekillik qilidighanliqini dewa qilip kelmekte hemde teywenning dunya döletliri bilen musteqil diplomatik munasiwet ornitishigha shundaqla birleshken döletler teshkilati we bashqa xelqaraliq teshkilatlarda wekillik qilishigha qarshi chiqip kelmekte.
