kazimi: zörür tépilsa ular bilen élishishqa teyyarmiz
iraq bash ministiri mustapa elkazimi shie qoralliqlirini közde tutqan halda: «zörür tépilsa, (baghdadning) ular bilen élishishqa teyyar» ikenlikini bayan qildi.
türkiye awazi radiyosi xewiri: iraq bash ministiri elkazimi bayanat élan qilip: «qanunsiz heriket qilghanlar yüzisidin xelqning xewpsizlik küchliri we armiyege nisbeten ajizlap ketken ishenchisini qaytidin tiklesh üchün ün - tinsiz tirishchanliq körsettuq. döletning kéreksiz tewekkülchilik patqaqlirigha ittirilmesliki üchün tinchlinish chaqiriqi élan qilduq. öz nöwitide zörür tépilsa, élishishqimu teyyarmiz» dep agahlandurdi.
kazimining bayanatidin kéyin ismining ashkarilanmasliqini telep qilghan hökümetke yéqin bir menbe: «irangha yéqin shie qoralliq küchlirining biri bolghan eshabi ehlilheq (heq igiliri) herikiti, hökümetning baghdad ayrodurumigha qilinghan rakétamiyot hujumining jawabkari ezaliri qolgha élinghandin kéyin, hökümetke tehdit sélishqa bashlidi. ular qamaqtiki ademlirining qoyup bérilishini telep qildi. eksiche bolghanda, bügün kéche yaki ete seherde hökümet binalirigha hujum qilidighanliqlirini éytip tehdit saldi. bu teshkilat ichki ishlar ministirighimu biwasite tehdit saldi» dédi.
mezkur menbe, dölet bixeterlik ishliri meslihetchisi qasim elerebining heriketke ötüp weqeni bésiqturghanliqini, biraq kazimining qamaqtiki jawabkarlarni qoyup bermeslikte ching turuwatqanliqini eskertti.
shielerning mezkur teshkilatigha eza qoralliq unsurlarning baghdadning risafa teripidiki bezi rayonlargha orunlashqanliqi ilgiri sürüldi.
مۇناسىۋەتلىك خەۋەرلەر
israiliye liwangha hawa hujumi qozghidi
israiliye armiyesi liwanning jenubigha keng kölemlik hawa hujumi qozghidi.