yuqumning bir qisim gherb elliridiki ehwaligha dair uchurlar

dunya miqyasida wirus sewebidin qaza qilghanlar sani bir milyon  737 mingdin ashti, yuqumlanghanlar sani 79 milyon 57 minggha, saqayghanlar sani 55 milyon 648 minggha yetti.

1550959
yuqumning bir qisim gherb elliridiki ehwaligha dair uchurlar

türkiye awazi radiyosi xewiri: amérika qoshma ishtatlirida «wuxen wirusi» sewebidin qaza qilghanlar omumiy sani 334 ming 218 ge, yuqumlanghuchilar sani 18 milyon 917 minggha yetti.

italiyede yéqinqi 24 saet ichide qaza qilghan 553 kishi  bilen qoshqanda, yuqum sewebidin qaza qilghanlar omumiy sani 70 ming 395 ke, yuqumlanghuchilar sani bir milyon 991 ming 278 ge yetti. bu ariliqta, italiyede yéqin – yoruqliridin ayrilip qalghan bezi aililer hökümet üstidin sotqa tölem erzi sunushqa teyyarlanmaqta. «‹ Corriere della Sera› géziti» ning xewer qilishiche, 500 aile «wuxen wirusi» yuqumigha sel qarighanliqi sewebidin, sehiye ministirliqini öz ichige alghan hökümetning jemiy 100 milyon yawro tölem tölesh telipi bilen heriketke ötti.

engiliyede yéqinqi 24 saet ichide qaza qilghan 744 kishi  bilen qoshqanda,  yuqum sewebidin qaza qilghanlar omumiy sani 69 ming 51 ge, yuqumlanghuchilar sani 2 milyon 149 ming 551 ge yetti. bu ariliqta, jenubiy afriqadin kelgen 2 kishining «wuxen wirusi» yuqumining téximu téz tarqilidighan bashqa bir türi bilen yuqumlanghanliqi bildürüldi. sehiye ministiri mat hankok, muxbirlarni kütüwélish yighinida, mundaq dédi: «<wuxen wirusi> yuqumining téximu téz tarqilidighan bashqa bir xil türi ademni qattiq endishige salidu. chünki bu tür, <wuxen wirusi> yuqumidin téximu téz tarqilidighandek we süriti engliyede otturigha chiqqan yéngi sheklidinmu tézdek qilidu.» «501.V2» dep atalghan we jenubiy afriqada otturigha chiqqan bu tür, jenubiy afriqadiki «wuxen wirusi» bilen yuqumlanghuchilar sanining %  80 – 90 tini teshkil qilidu.


خەتكۈچ: #uchur , #gherb elliri , #gherb , #yuqum , #wirus

مۇناسىۋەتلىك خەۋەرلەر