putin makron bilen taghliq qarabaghning  weziyitini muzakirileshti

rusiye pirézidénti wiladimir putin firansiye prézidénti émmanuél makron bilen taghliq qarabaghning  weziyitini muzakirileshti.

1550411
putin makron bilen taghliq qarabaghning  weziyitini muzakirileshti

türkiye awazi radiyosi xewiri: krémil sariyining yazma bayanatida, putinning makron bilen téléfonda körüshkenliki bildürüldi.

söhbette, putin rayon weziyitining yaxshilanghanliqini, ezerbeyjan, erméniye we rusiyening 10-noyabirda taghliq qarabaghda urush toxtitishni ishqa ashurghan birleshme xitabnamidiki kélishim maddilirining ijra qilinghanliqini tekitlidi.

ikki rehber yawropa bixeterlik we hemkarliq teshkilati minsik goruhi dairiside, taghliq qarabagh mesilisining her qaysi tereplirige qarita maslishishni dawamlashturushqa teyyar ikenlikini éytti.

söhbette, sherqiy ukraina mesilisimu muzakire qilindi. hel qilish charisigha qarita 2015-yili  tüzülgen minsik kélishimliri we 2019 - yili 9 - dikabirda ötküzülgen normandi bashliqlar yighinidiki kélishimlerning ijra qilinishigha dair tirishchanliqlarning aktiplashturulishigha qiziqidighanliqi bildürüldi.

söhbette, rusiye terepning donbasqa alahide rayon hoquqi bérilishi we «stéynméyér formulasi» ning ukrainaning qanunigha kirgüzülüshi kérekliki tekitlendi hemde normandi formati dairisidiki xizmetlerni dawamlashturush heqqide pikir birliki hasil qilindi.

söhbette yene, süriye we liwiyening weziyitimu muzakire qilindi. her qaysi terepler liwiyede urush toxtitish musapisini yolgha qoyush we barliq küchlerning qatnishishi bilen siyasiy musapini tereqqiy qildurushning muhimliqini tekitlidi.

ikki rehber yene iranning yadro kélishimini qoghdash teshebbusini birleshtürüshning lazimliqinimu tilgha élishti.

 


خەتكۈچ: #makron , #putin

مۇناسىۋەتلىك خەۋەرلەر