gérmaniye sheher bashliqi yardemperwer türk yashlargha medhiye oqidi

türkiye awazi radiyosi xewiri: «ochuq jami küni we medeniyet heptiliki» paaliyetliri dairiside, jamining yashlar shöbisi bashlighan «yaxshiliq qilish» yardem seperwerliki dairiside chüshken pullar alahide murasim bilen tapshuruldi.

wolklingén sheher bashliqi kiristiyan bilat murasimda qilghan sözide, jamining yashlar shöbisi ezalirini medhiyelep, bu chaqnap turghan yashlarning insaniyet üchün bir purset ikenlikini éytti.

sheher bashliqi kiristiyan bilat yashlarning xizmetlirini yéqindin közitip kéliwatqanliqini we ularning kelgüsi xizmet layihelirinimu qollap quwwetleydighanliqini bildürüp, «men yashlarning bu menilik paaliyitidin tolimu tesirlendim, bu tunji ish bolupla qalmaydu, men yashlarning yene nurghun yaxshi ishlarni qilidighanliqigha ishinimen» dédi.

mektep mudiri pétra pitillo xanimmu yashlargha türkche salam bérish bilen sözini bashlidi  we: «biz mektepning oqutquchiliri we oqughuchiliri bolush süpitimiz bilen bizni bundaq menilik iane bilen qollighanliqi üchün selimiye jamisigha  minnetdarliq bildürimiz. bu iane mektepning oyun meydani üchün, yéngi oyun esliheliri we maarip matériyalliri üchün ishlitilidu» dédi.

selimye jamisi jemiyiti bashliqi kamuran bashpinarmu jemiyet bolush süpiti bilen qilghan xizmetliri üstide toxtilip, maaripqa meblegh sélishning kelgüsige meblegh sélish bolidighanliqini éytti.