nato bash katibi amérikaning türkiyege yürgüzgen émbargosi toghrisida toxtaldi

shimaliy atlantik okyan ehdi teshkilati - nato bash katipi yéns stolténbérg, amérikaning rusiyedin S-400 hawa mudapie sistémisi sétiwalghanliqi sewebdin türkiye ge émbargo yürgüzülüshidin epsuslanghanliqini bildürdi.

1546321
nato bash katibi amérikaning türkiyege yürgüzgen émbargosi toghrisida toxtaldi

türkiye awazi radiyosi xewiri: shimaliy atlantik okyan ehdi teshkilati - nato bash katipi yéns stolténbérg, amérikaning rusiyedin S-400 hawa mudapie sistémisi sétiwalghanliqi sewebdin türkiye ge émbargo yürgüzülüshidin epsuslanghanliqini bildürüp, «türkiye we natoning barliq ittipaqdashlirini chare yollirini izdeshke chaqirimen» dédi.

bash katip yéns stolténbérg bélgiyening paytexti biryussélda qaratagh bash ministiri zidrawko kriwokapich ​​bilen söhbetleshkendin kéyin ötküzülgen qoshma muxbirlarni kütüwélish yighinida amérikaning türkiyege jaza yürgüzüsh qarari toghrisidiki soallargha jawab berdi.

«nato ittipaqdashliri bir – birlirige émbargü yürgüzüwatqan bir musapisini bésip ötüwatqanliqimizdin epsuslanmaqtimen» dégen bash katip yéns sitolténbérg, türkiyening S-400 sistémisi sétiwélishigha munasiwetlik qarashlirini buningdin ilgirimu otturigha qoyghanliqini bildürdi we sözini dawamlashturup, «bu bir milliy qarardur. lékin, S-400 sistémisi nato sistémilirigha mas emes. bularni natoning hawa we bashqurulidighan bomba mudapie sistémiliri bilen mashlashturghili bolmaydu. buninggha alaqidar endishemni otturigha qoyghanidim. shundaqtimu türkiye we natoning barliq ittipaqdashlirini chare yollirini izdeshke chaqirimen... nöwettiki muhim mesile, türkiye we natogha nisbeten qiyin bolghan bu mesilige bir amallarni qiliip ijabiy chare tépishqa merkezlishishimizdur» dégenlerni qeyt qildi.

amérika rusiyedin s- 400 hawa mudapie qalghan sistémisi sétiwalghanliqini bahane qilip türkiyege bir qatar émbargolarni yürgüzüshni qarar qilghanidi.


خەتكۈچ: #jaza , #émbargo , #amérika , #nato , #türkiye

مۇناسىۋەتلىك خەۋەرلەر