iran amérikaning türkiyege émbargo yürgüzüsh qararigha naraziliq bildürdi
iran tashqi ishlar ministiri muhemmed jewad zerif amérika qoshma ishtatlirining türkiyege bir tereplimilik halda émbargo yürgüzüsh qararigha qattiq naraziliq bildürdi.
türkiye awazi radiyosi xewiri: zerif, ammiwi ortaqlishish tor béti Twitter sehipiside, bu heqte élan qilghan bayanatida, türkiyening rusiyedin «400 - s» bashqurulidighan bomba mudapie sistémisi sétiwélishi seweblik, amérika qoshma ishtatlirining émbargo yürgüzüshige duch kélishige qattiq naraziliq bildürüp mundaq dédi: «amérika qoshma ishtatliri türkiyege bir tereplimilik halda émbargo yürgüzüsh qarari chiqirish arqiliq xelqara qanunni yene bir qétim depsende qildi, hemde émbargolargha béqindi bolup qalghanliqini namayen qildi. amérika qoshma ishtatlirining türkiyege qarshi axirqi émbargo qararini qattiq eyibleymen, hemde bu émbargolargha qarshi türkiye xelqi we hökümitini qollaydighanliqimizni pütkül jahangha jakarlaymen.»
مۇناسىۋەتلىك خەۋەرلەر
israiliye liwangha hawa hujumi qozghidi
israiliye armiyesi liwanning jenubigha keng kölemlik hawa hujumi qozghidi.