yawropa ittipaqi rehberler yighinining xitabnamisi élan qilindi
yawropa ittipaqi aliy rehberler yighinining xitabnamiside, radikallishishning aldini élish alahide tekitlendi.
türkiye awazi radiyosi xewiri: bélgiye paytexti biryussélda ötküzülgen ikki künlük aliy rehberler yighini xitabnamisi, tünügün (2020-yili 10-dékabir) kechte jakarlanghan türkiyege munasiwetlik bölüm chiqiriwétilgen halda élan qilindi.
xitabnamining «xewpsizlik» bölümide, yawropa ittipaqining radikallishish, zorawanliq xaraktérlik ayrimichiliq we térrorizmgha qarshi turushta ittipaq halitide ikenliki tekitlendi.
xitabnamide, pikir erkinliki, din we étiqad erkinlikige qaritilghan her türlük hujum eyiblinish bilen birge, radikallishishning aldini élish we térrorizmning arqisidiki idéologiyege yüzlinishning ehmiyiti eskertildi.
rehberler, térrorluqqa qarshi turushta tor dunyasidiki térrorluq bar mezmunlarni emeldin qaldurushni kapaletke ige qilidighan qanun maddilirini tézlikte qobul qilishni chaqiriq qildi.
asasiy heq-hoquqlar we erkinliklerge hörmet qilip, éghir jinayetlerge qarshi küresh qilish üchün zörür intérnét sanliq melumatlirini tosushqa munasiwetlik xizmetlerni ilgirilitishni telep qilghan rehberler, shengen rayonining mukemmel xizmetlirini we hemkarliqini qollashni qarar qildi.
xitabnamide, rehberlerning wuxen wirusi (Kovid-19) mesiliside namayen qilinghan özara maslishishtin memnun ikenliki we waba tizginlengen ehwalda sayahetke qoyu؛ghan cheklimilerni qedemmu qedem emeldin qaldurush meqsitide teyyarliq qilish üchün, kordinatsiyeni kücheytish qarar qilindi.
rehberler, yawropa ittipaqining dunyada hemme kishining waksinagha ige bolalishi üchün, kowaks (wuxen wirusi waksinalirigha dunyawi ige bolush pirogrammisi) pirogrammisigha hesse qoshushni dawamlashturidighanliqlirini bildürdi.
مۇناسىۋەتلىك خەۋەرلەر
israiliye liwangha hawa hujumi qozghidi
israiliye armiyesi liwanning jenubigha keng kölemlik hawa hujumi qozghidi.