stolténbérg yawropa rehberlirini türkiye söhbetlirige ijabiy pozitsiyede bolushni tewsiye qildi

shimaliy atlantik okyan ehdi teshkilati - nato bash katipi yéns stolténbérg, yawropa ittipaqi bashliqlar yighinida türkiye toghrisidiki söhbetke ijabiy pozitsiye bildürüshni tewsiye qildi.

1543200
stolténbérg yawropa rehberlirini türkiye söhbetlirige ijabiy pozitsiyede bolushni tewsiye qildi

türkiye awazi radiyosi xewiri: bash katip yéns stolténbérg portugaliye bash ministiri antoniyo kosta bilen ötküzgen uchrishishidin orunlashturulghan muxbirlarni kütüwélish yighini natoning ittipaqdashlar otturisida ixtilap körülgende özara sözlishidighan supa rolini oynaydighanliqini qayta tekitlep, «hemmimiz ixtilaplar toghrisida sözleshkende ijabiy pozitsiye we yollarni tallishimiz kérek. bu sewebtin türkiye bilen girétsiye ixtilapini ayrish üchün nato bayriqi astida bir ayrish usuli méxanizmi ornattuq. bu yerdiki meqset, sherqiy aqdéngizda herbiy mewjutluq köpiyip qalghan bolghachqa, ikki ittipaqdash otturisida arzu qilinmaydighan weqe we qazalarning yüz bérip qélishining aldini élishtin ibaret. türkiye bilen girétsiyening bu méxanizmigha ishtirak qilghanliqidin xushalmen we bezi manéwirlarni bikar qilghanliqidin söyündüm» dédi.

u, türkiye bilen girétsiyening natoda ötküzülgen téxnikiliq yighinlarning, ikki dölet otturisidiki asasiy mesililerni hel qilishqa yardemchi bolidighan siyasiy söhbet yolini échishinimu ümid qilidighanliqini éytti.

stolténbérg türkiyening shimaliy atlantik ehdi teshkilatining muhim ittipaqdishi ikenlikini tekitlep, türkiyening iraq we suriye bilen chégradash ikenlikini, daésh térrorluq teshkilatigha qarshi küreshte muhim rol oynighanliqini tekitlidi.

u yene, türkiyening eng köp musapirgha, süriyelikke sahibxanliq qiliwatqan, shundaqla térrorluq hujumlirining eng köp tesirige uchrighan bir dölet ikenlikini qeyt qildi.

stolténbérg axirida, «türkiyening shimaliy atlantik ehdi teshkilati we gherb ailisining bir qismi ikenlikini tonup yétishimiz kérek» dégenlerni sözlirige ilawe qildi.


خەتكۈچ: #tewsiye , #yawropa , #nato , #türkiye

مۇناسىۋەتلىك خەۋەرلەر