p k k ning sinjardin chiqip ketmigenliki bildürüldi

bölgünchi térrorluq teshkilati p k k ning iraqning musul shehirige qarashliq sinjar nahiyesi merkizini boshatmighanliqi bildürüldi.

1539999
p k k ning sinjardin chiqip ketmigenliki bildürüldi

türkiye awazi radiyosi xewiri: bölgünchi térrorluq teshkilati p k k ning iraqning musul shehirige qarashliq sinjar nahiyesi merkizini boshatqanliqi ilgiri sürülgen bolsimu, térrorchilarning rayondin chiqip ketmigenliki, belki sinjar téghidiki mewjutluqini dawamlashturuwatqanliqi bildürüldi.

baghdad merkiziy hökümiti bilen iraq kord rayonluq hökümiti, p k k ning sinjardiki mewjudiyitige xatime bérishni mezmun bir kélishimni birleshken döletler teshkilati (b d t) ning nazaretchiliki astida 9 – öktebirde imzalighanidi.

kélishimning imzalinishidin kéyin iraq merkiziy hökümiti, 20 – noyabirda sinjargha birleshme saqchi qisimlirigha qarashliq ikki birigadani yollighanidi.

kélishimning ijra qilinishqa bashlighanliqini uqturghan merkiziy hökümet mushu hepte ichide bayanat bérip, iraq küchlirining sinjargha orunlashqanliqini, barliq qoralliq teshkilatlar (p k k) ning rayondin chiqip ketkenlikini bildürgenidi.

iraq kord rayonluq hökümet bolsa, sinjar kélishimige emel qilidighanliqlirini, sinjardiki p k k unsurlirini qoghlap chiqirishning baghdadning wezipisi ikenlikini uqturdi.

bu özgirishlerdin kéyin munasiwetlik tereplerning neziri, bayanatlar bilen emeliy ehwalning özara mas yaki emeslikige aghduruldi.

baghdadiki bezi menbeler, p k k ning sinjar nahiye merkizi we sinjar téghidiki mewjutluqini dawamlashturuwatqanliqini bildürdi.

«p k k orun almashturush taktikisini ishletmekte» dégen iraq türkmen fironti bashliqi ershat salihi, sinjardin chiqiriwétilidighan térrorchilarning yene iraq chégrasi ichidiki mahmur, qandil, kerkük etrapigha yaki telaferge yéqin jaylargha orunlashturushtek bir pilan ijra qilinip qalsa, xewpning téximu éghirlishidighanliqini eskertti.


خەتكۈچ: #sinjar , #p k k , #iraq

مۇناسىۋەتلىك خەۋەرلەر