байдин иранниң йадро қоралиға игә болушиға рухсәт қилмайдиғанлиқлирини билдүрди

америкада 3-нойабир (2020) өткүзүлгән сайламда ғәлибә қилған җо байдин иранниң йадро қораллириға игә болушиға рухсәт қилмайдиғанлиқлирини ейтти.

1539690
байдин иранниң йадро қоралиға игә болушиға рухсәт қилмайдиғанлиқлирини билдүрди

түркийә авази радийоси хәвири: җо байдин түнүгүн (2020-йили 3-декабир) с н н кечилик пирограммисиға қатнишип, иран йадро пирограммисидики муһим кишиләрдин бири муһсин фаһризадәгә қилинған сүйиқәстниң, теһран билән болған мунасивәтләрниң келәчикигә қандақ тәсир көрситидиғанлиқи тоғрисида тунҗи қетим сөз қилди.

у сүйиқәстниң иран билән келишимгә қайтидин қийинчилиқ пәйда қилип-қилмайдиғанлиқи үстидә тохтилип: «бу нуқтида бир нәрсә дейиш наһайити тәс» деди.

у пирезидент трамп һөкүмитиниң 2018-йили иран билән түзүлгән йадро келишимидин чекингәнликини тәнқид қилип: «иранниң йадро қораллириға игә болушиға рухсәт қилмаймиз. пирезидент трамп қаттиқ муамилә қилидиғанлиқини ойлап келишимдин чекинди. ундақта, немигә еришти? башқичә қилип ейтқанда, иранниң йадро лазимәтликлиригә еришиш имканийитини ашурди. һазир йадро қорали йасашқа йетәрлик материйалларға еришишкә техиму йеқинлашти, пәқәт башқурулидиған бомба мәсилиси қалди» деди.

у ташқи сийасәттә иттипақдашлар вә хәлқаралиқ җәмийәтләр билән бирликтә һәрикәт қилишниң әһмийитини тәкитләп: «булар наһайити қийин мәсилиләр. бир нәрсини билимән, буларни йалғуз һәл қилалмаймиз. бу сәвәбтин, иран биләнла әмәс, бәлки русийә вә хитай билән болған мунасивәтлиримиздә, шундақла башқа мәсилиләрдиму техиму чоң гуруппиниң парчиси болушимиз керәк» деди.   



مۇناسىۋەتلىك خەۋەرلەر