nato bash katipi stolténbérg türkiye - girétsiye munasiwetliri toghrisida toxtaldi

bash katip yéns stolténbérg, natogha eza döletler tashqi ishlar ministirliri téléwiziye yighinining birinchi künidin kéyin muxbirlarni kütüwélish yighini ötküzdi.

1537943
nato bash katipi stolténbérg türkiye - girétsiye munasiwetliri toghrisida toxtaldi

türkiye awazi radiyosi xewiri: shimaliy atlantik okyan ehdi teshkilati – nato bash katipi yéns stolténbérg, türkiye bilen girétsiye otturisida sherqiy aqdéngizda yüz béridighan weqe we qazalarning aldini élish üchün tesis qilinghan ayrish tertipi xizmet méxanizmining rolini jari qilduruwatqanliqini we uni yenimu kücheytishni xalaydighanliqlirini éytti.

bash katip yéns stolténbérg, natogha eza döletler tashqi ishlar ministirliri téléwiziye yighinining birinchi künidin kéyin muxbirlarni kütüwélish yighini ötküzdi.

tashqi ishlar ministirliri yighinida sherqiy aqdéngiz weziyitiningmu küntertipke kelgenlikini tilgha alghan stolténbérg, türkiye bilen girétsiye otturisida kéreksiz weqe – hadisilerning yüz bérip qélishining aldini élish meqsitide ayrish tertipi xizmet méxanizmi qurulup, alaqe liniyesining barliqqa keltürülgenlikini, netijide bir qisim manéwirlarning özara emeldin qaldurulghanliqini eskertip ötti.

u sözini dawamlashturup, «bularning hemmisi, olturup paranglashqinimizda jiddiychilikni peseytish yolida ishench tikligüchi tedbirlirini barliqqa keltüreleydighanliqimizni körsitip béridu. qurulghan méxanizm rolini jari qilduruwatidu. özara uchur almashturush we alaqe yolliri ochuq. men her ikki ministirgha natodiki méxanizmni téximu kücheytishke teyyar ikenlikimni éyttim.» dégenlerni qeyt qildi.

ikki dölet otturisida natoning nazariti astida téxnikiliq söhbet élip bérilghanliqini eslitip ötken stolténbérg, gérmaniye rehberlikidiki asasliq mesililerni hel qilish teshebbusini qollaydighanliqini, natoda qurulghan méxanizimning bu xil teshebbuslargha yardemchi bolidighanliqini sözlirige ilawe qildi.


خەتكۈچ: #girétsiye , #türkiye , #nato

مۇناسىۋەتلىك خەۋەرلەر