liwan béyrut - enqere munasiwiti toghrisida bayanat élan qildi
liwan tashqi ishlar ministiri sherbil wehbi, türkiyening liwanning ichki ishlirigha arilashqanliqi toghrisidiki xewerlerni ret qilip, ikki döletning dostane munasiwiti barliqini éytti.
türkiye awazi radiyosi xewiri: liwan tashqi ishlar ministiri sherbil wehbi dölitide neshr qilinidighan «nidaulweten» gézitige bayanat berdi.
«türkiye liwangha dostane dölet. türkiye bilen liwanning özara dostluq munasiwiti bar. mesilige ijabiy nuqtidin qarayli» dédi we sözini dawamlashturup, liwanning türkiye – firansiye sürkilishige sehne bolmighanliqini tekitlidi.
u, türkiyening liwangha nisbeten dostluqtin bashqa herqandaq bir pozitsiyesining bolmighanliqini otturigha qoyup, «türkiyening liwanning shimaligha mudaxile qilghanliqi we bezi sünniy guruppilarni qollighanliqi toghrisidiki sözler heqiqetni eks ettürmeydu» dégenlerni qeyt qildi.
türkiye awghust éyida meydangha kelgen béyrut porti partilishidin kéyin liwandiki mohtaj kishilerge yardem qolini sunghanidi.
مۇناسىۋەتلىك خەۋەرلەر
pelestinning yéngi kabénti testiqlandi
pelestinning yéngi bash ministiri muhemmed mustafa kabéntini dölet reisi mehmut abbasqa sundi.