исраилийәниң иранлиқ йадро мутәхәссиси фаһризадәгә сүйиқәст қилғанлиқи оттуриға чиқмақта

бир исраилийә әмәлдари иранниң йадро программисида көзгә көрүнгән шәхсләрдин муһсин фаһризадәниң сүйиқәст билән өлтүрүлүши һәққидә тохтилип: «дунйа исраилийәгә рәһмәт ейтиши керәк» деди.

1536648
исраилийәниң иранлиқ йадро мутәхәссиси фаһризадәгә сүйиқәст қилғанлиқи оттуриға чиқмақта

түркийә авази радийоси хәвири: иранлиқ мутәхәссис фаһризадәниң сүйиқәст билән өлтүрүлүшиниң тәсири давамлишиватқан бир пәйттә, америкада чиқидиған нийу йорк вақти гезити (NYT) гезитигә байанат бәргән вә исмини ашкарилашни халимиған исраилийә әмәлдариниң қилған сөзлири һәмминиң диққитини тартти.

исраилийә һөкүмити фаһризадәни өлтүргәнликини рәсмий йосунда қобул қилмиған болсиму, әмма мәзкур исраилийә әмәлдари тел авив һөкүмитиниң сүйиқәстни тәшкиллигәнликини етирап қилған болди.

исраилийә әмәлдари фаһризадәниң һәр бир ташлиған қәдәмлирини назарәт қилиш вәзиписини өзиниң үстигә алғанлиқини байан қилип: «иранниң йадро пиланиға қарши зөрүр болған қәдәмләрни ташлашни давамлаштуримиз. фаһризадә әпәнди бәрпа қилған иранниң йадро қоралға игә болуш арзуси, муһим бир тәһдит шәкилләндурмәктә иди. (фаһризадәниң өлтүрүлүши һәққидә) исраилийәгә рәһмәт ейтилиши лазим» деди.

иранниң йадро программисидики муһим шәхсләрниң бири болған фаһризадә, җүмә күни (2020-йили 27-нойабир)  теһранниң демавәнд наһийәсигә қарашлиқ абсәрд районида аптомобилиға қилинған қораллиқ һуҗумда қаза қилған иди.

исраилийә баш министири бенйамин нетанйаһуму 2018 - йили апрелда сунған доклатида, «иран йадро пиланиниң түзгүчиси» дәп тонулған фаһризадәниң исмини алаһидә тилға алған иди.

исраилийәдә чиқидиған «йедиот ахронот» гезитиниң хәвиригә асасланғанда, нетанйаһу бу мәсилә тоғрисида өткүзгән ахбарат елан қилиш йиғинида, исраилийәниң фаһризадәниң қәстләп өлтүрүлүшидә рол ойниғанлиқини има қилған иди.



مۇناسىۋەتلىك خەۋەرلەر