iran mudapie ministiri: fahrizadening yolini dawamlashturimiz
iran mudapie ministiri emir xatemi, suyiqestke uchrap hayatidin ayrilghan yadro tetqiqatchisi muhim fahrizadening yoligha warisliq qilip, u bashlighan xizmetlerni dawamlashturidighanliqlirini éytti.
türkiye awazi radiyosi xewiri: iran resmiy xewer agéntliqi – irnaning xewirige qarighanda, xatemi mudapie ministirliqida fahrizade üchün ötküzülgen matem murasimidiki sözide jawabkarlarning iranning yadro xizmetliridiki iradisige hujum qilghanliqini bildürüp, «shéhitimizning yolini boylap méngish iradimiz téximu küchlük bolidu. döletning tereqqiyatini téximu téz we küchlük shekilde dawamlashturimiz» dégen.
fahrizadening iran yashliri we kesipdashlirining ülgisi ikenlkini qeyt qilghan xatemi sözini dawamlashturup, «iran xelqi héchbir jinayetni, térrorni we exmiqane qilmishlarni jawabsiz tashlap qoymaydu. jawabkarlarni adaqqiche teqib qilimiz, ularning qilmishlirining jazasini tartidighanliqini bilishi kérek» dégenlerni qeyt qilghan.
sözining axirida suyiqestni eyiblep bayanat élan qilghan dölet we teshkilatlargha rehmet éytqan xatemi, weqege süküt qilghan döletler bilen xelqaraliq teshkilatlargha naraziliq bildürgen.
