muhsin fahrizade suyiqestining tepsilatliri otturigha chiqishqa bashlidi

iranning yadro tetqiqatining «atisi» dep qaralghan muhsin fahrizadening qestlep öltürülgenlikige dair tepsilatlar otturigha chiqishqa bashlidi.

1536862
muhsin fahrizade suyiqestining tepsilatliri otturigha chiqishqa bashlidi

türkiye awazi radiyosi xewiri: iran fars xewer agéntliqi bu süyiqestning yiraqtin kontrol qilinidighan aptomatik qoral bilen élip bérilghanliqini ilgiri sürdi.

hujumgha alaqidar neq meydandiki tekshürüshte, süyqestni emelge ashurghan insan éléméntining bayqalmighanliqi bildürüldi.

agéntliqning ilgiri sürishiche, (27-noyabir) jüme küni chüshtin kéyin, fahrizade ayali bilen birge broniwék aptomobilida mazenderandin demawend rayonigha qarap yolgha chiqqan. neq meydandin bir qanche kilométir yiraqliqta uning bilen birge mangghan 3 qoghdighuchi aptoomobilning birsi baridighan jayni tekshürüsh üchün qoghdighuchi etritidin ayrilghan.

arqidinla abserdqa kelgende, fahrizadening aptomobiligha yiraqtin oq étilghan. oq awazini aptomobildin chiqqan awaz dep oylap qalghan faxrizade aptomobilni toxtitip mashinidin chüshken.

yol yaqisigha toxtitip qoyulghan kök renglik yük mashinisigha ornitilghan we yiraqtin kontrol qilinidighan aptomatik qoral bilen texminen 150 métir yiraqliqtin fahrizadege 3 pay oq étilghan. özini iran alimi üchün qalqan qilghan qoghdighuchisighimu bir nechche pay oq tegken. kök renglik yük mashinisimu yiraqtin kontrol qilinidighan bomba bilen partlitilghanghan. qoghdighuchi neq meydanda we  fahrizade doxturxanida qaza qilghan.

iran istixbarat ministirliqi hujum qilghuchilar heqqide yéngi yip uchigha érishkenlikini we pat yéqinda élan qilidighanliqini jakarlidi.

iran parlaménti énérgiye komitétining reisi feridun abbasi fahrizadening öltürülüshining yadro istratégiyesini özgertidighanliqini éytti.

iran parlaméntining küntertipide, uranni %20 qoyuqlashturush, yadro kélishimidin chékinip chiqish we xelqara atom énérgiyesi orgini mupettishlirining chégradin qoghlap chiqirilishi qatarliq tallashlar muzakire qilinmaqta.



مۇناسىۋەتلىك خەۋەرلەر