муһсин фаһризадә суйиқәстиниң тәпсилатлири оттуриға чиқишқа башлиди

иранниң йадро тәтқиқатиниң «атиси» дәп қаралған муһсин фаһризадәниң қәстләп өлтүрүлгәнликигә даир тәпсилатлар оттуриға чиқишқа башлиди.

1536862
муһсин фаһризадә суйиқәстиниң тәпсилатлири оттуриға чиқишқа башлиди

түркийә авази радийоси хәвири: иран фарс хәвәр агентлиқи бу сүйиқәстниң йирақтин контрол қилинидиған аптоматик қорал билән елип берилғанлиқини илгири сүрди.

һуҗумға алақидар нәқ мәйдандики тәкшүрүштә, сүйқәстни әмәлгә ашурған инсан елементиниң байқалмиғанлиқи билдүрүлди.

агентлиқниң илгири сүришичә, (27-нойабир) җүмә күни чүштин кейин, фаһризадә айали билән биргә бронивек аптомобилида мазәндәрандин дәмавәнд райониға қарап йолға чиққан. нәқ мәйдандин бир қанчә километир йирақлиқта униң билән биргә маңған 3 қоғдиғучи аптоомобилниң бирси баридиған җайни тәкшүрүш үчүн қоғдиғучи әтритидин айрилған.

арқидинла абсәрдқа кәлгәндә, фаһризадәниң аптомобилиға йирақтин оқ етилған. оқ авазини аптомобилдин чиққан аваз дәп ойлап қалған фахризадә аптомобилни тохтитип машинидин чүшкән.

йол йақисиға тохтитип қойулған көк рәңлик йүк машинисиға орнитилған вә йирақтин контрол қилинидиған аптоматик қорал билән тәхминән 150 метир йирақлиқтин фаһризадәгә 3 пай оқ етилған. өзини иран алими үчүн қалқан қилған қоғдиғучисиғиму бир нәччә пай оқ тәгкән. көк рәңлик йүк машинисиму йирақтин контрол қилинидиған бомба билән партлитилғанған. қоғдиғучи нәқ мәйданда вә  фаһризадә дохтурханида қаза қилған.

иран истихбарат министирлиқи һуҗум қилғучилар һәққидә йеңи йип учиға еришкәнликини вә пат йеқинда елан қилидиғанлиқини җакарлиди.

иран парламенти енергийә комитетиниң рәиси фәридун аббаси фаһризадәниң өлтүрүлүшиниң йадро истратегийәсини өзгәртидиғанлиқини ейтти.

иран парламентиниң күнтәртипидә, уранни %20 қойуқлаштуруш, йадро келишимидин чекинип чиқиш вә хәлқара атом енергийәси оргини мупәттишлириниң чеградин қоғлап чиқирилиши қатарлиқ таллашлар музакирә қилинмақта.



مۇناسىۋەتلىك خەۋەرلەر