боко һарам нигерийәдә қанлиқ вәқә пәйда қилди

нигерийәниң шәрқий шималиға җайлашқан борно иштатида террорлуқ тәшкилати боко һарам пәйда қилған һуҗумда, 110 деһқан җенидин айрилди.

1536680
боко һарам нигерийәдә қанлиқ вәқә пәйда қилди

түркийә авази радийоси хәвири: б д т инсанпәрвәрлик йардәм пирограммисиниң нигерийә кординатори едвард кален (Edward Kallon) ахбарат елан қилип, түнүгүн (2020-йили 29-нойабир) террористларниң борно иштатиға қарашлиқ гарин квашиби (Garin Kwashebe) йезисида шаллиқта ишләватқан деһқанларға һуҗум қилғанлиқини билдүрди.

у һуҗумда 110 кишиниң җенидин айрилғанлиқини вә нурғун кишиниң йариланғанлиқини әскәртип: «бу һуҗум наһайити қорқунчлиқ. рәһимсизләрчә қилинған һуҗумда җенидин айрилған пуқраларниң аилилиригә чин қәлбимдин сәвр, йариланғанларға шипалиқ тиләймән» деди.

у йәнә, нурғун айалларниң гөрүгә елинип, елип қечилғанлиқини қәйт қилип, һөкүмәтни уларни тепиш үчүн һәрикәткә өтүшкә чақирди.

нигерийә пирезиденти муһәммәд бухари һуҗумни әйиблиди вә мундақ деди:

«бу йиргинишлик һуҗум, пүткүл дөләтни йариландурди.»

йәрлик таратқуларда елан қилинған хәвәрләрдә, һуҗумларда 44 кишиниң җенидин айрилғанлиқи илгири сүрүлгән иди.



مۇناسىۋەتلىك خەۋەرلەر