bélarusiyediki hökümetke qarshi namayishta texminen 250 kishi qolgha élindi
bélarusiyede hökümetke qarshi qanunsiz namayishlar dawamlashmaqta.
türkiye awazi radiyosi xewiri: paytext miniskta, térrorluq teshwiqati qilghanliqi sewebidin cheklengen bir ijtimaiy taratqu hésabidin bérilgen yolyoruqlar bilen teshkillengen namayishchilar, sheher merkizidin yiraq turalghu rayonlirida ayrim- ayrim guruppilar sheklide toplinip shoarlarni towlidi.
bezi yollarni tosuwalghan we qatnashni aqsatqan namayishchilar, saqchilarning mudaxilisi bilen tarqaqlashturuldi.
rayondiki soda saraylar saqchilarning qoghlishidin qachqan namayishchilarning kiriwalmasliqi üchün dewazilirini bir mezgil taqashqa mejbur boldi.
bélarusiyede hazirqi pirézidént aléksandir lukashénko 9 - awghust ötküzülgen pirézidéntliq saylimida ghelbe qilghandin kéyin, «saylamda saxtipezlik qilindi» dégen bahane bilen namayish bashlanghan idi.
memliket miqyasida her hepte axirida dawamlishiwatqan namayishlarda, aldinqi heptige sélishturghanda qatnashquchilarning sani azlidi.
namayishchilar pirézidént lukashénkoning wezipisidin istépa bérishini telep qilmaqta.
