qaradaghi: ishghalchilar bilen normallishish kélishimi tüzüsh ishghalgha boyun égishtur

dunya musulman ölimalar birliki bash katipi eli muhyiddin el qaradaghi pelestin dewasining qarangghu künlerni we qiyin sharaitlarni bashtin kechürüwatqanliqini bildürüp,  pelestinliklerni «ittipaqlishish» qa chaqirdi.

1536356
qaradaghi: ishghalchilar bilen normallishish kélishimi tüzüsh ishghalgha boyun égishtur

türkiye awazi radiyosi xewiri: dunya musulman ölimalar birliki bash katipi eli muhyiddin el qaradaghi «29 - noyabir xelqara pelestin xelqi bilen hemkarlishish küni» munasiwiti bilen élan qilghan yazma bayanatida, özlirining pelestin xelqige yéqin ikenlikini éytqanlarning pelestinliklerdin waz kechkenlikini, quddus, mesjidi eqsa we pelestinni ishghal qilghanlar bilen normallishish kélishimi tüzüshüp,  ishghaliyetchilerge boyun égishkenlikini tekitlidi.

bu kélishimlerning amérika pirézidénti donald trampning buyruqi bilen tüzülgenlikini tilgha alghan qaradaghi: «heqiqet shuki, pelestin dewasi eng qarangghu künlerni we qiyin sharaitlarni bashtin kechürüwatidu» dédi.

qaradaghi yene, pelestinliklerni ittipaqlishish, ixtilaplargha xatime bérish we israiliye ishghaliyitige qarshi küresh üchün istratégiyelik pilan tüzüshke chaqirdi.

birleshken döletler teshkilati (b d t) 73 yil ilgiri, yeni 1947 - yili 29 – noyabirda maqullighan qarar bilen pelestinning «yehudiy we ereb» dep ikkige bölünishini hemde 1977 - we 1979 - yilliri maqullighan ikki qarar arqiliq 29 – noyabirni «xelqara pelestin xelqi bilen hemkarliq küni» süpitide tebrikleshni békitken idi.



مۇناسىۋەتلىك خەۋەرلەر