yawropa ittipaqi: islamiy térrorizm» atalghusini ishletkili bolmaydu

yawropa ittipaqi tashqi munasiwetler we bixeterlik ishliri siyasiti aliy wekili josép borél, térrorizm paaliyetlirini islamdin ayrishning zörürlükini, «islamiy térrorizm» atalghusini ishlitishke bolmaydighanliqini éytti.

1535941
yawropa ittipaqi: islamiy térrorizm» atalghusini ishletkili bolmaydu

türkiye awazi radiyosi xewiri: borél, ispaniyening barsélona shehiride widéo konférans wasitisi arqiliq chaqirilghan 5 – nöwetlik «aqdéngiz üchün birlik rayonluq munber yighini» din kéyin ötküzülgen qoshma axbarat élan qilish yighinida, térrorluq paaliyetlirini islam dini bilen atashqa qarshi chiqti, hemde bu heqtiki bir soalgha jawab bergende, mundaq dédi: «térrorluq hujumlirini élip barghanlar firansiyede, gérmaniyede, yawropada tughulghan kishilerdur. ularning ejdadlirimu shimaliy afriqadin emes, kawkaz rayonigha oxshighan dunyaning oxshimighan jayliridin kelgen. firansiye we awstraliyede yéqindin buyan meydangha kéliwatqan térrorluq hujumlirigha, seweb – netije munasiwiti nuqtisidin qarimasliq kérek. buning, aqdéngizdiki ijtimaiy – iqtisadiy perqler bilenmu qilche munasiwiti yoqtur. shuni alahide tekitlep ötimenki, islam bir din bolup, térrorizm bilen héchqandaq alaqisi yoqtur. derweqe, térrorluq paaliyetlirige islamdin ayrip qarash kérek. qisqisi, <islamiy térrorizm> atalghusini ishlitishke bolmaydu.»

yene bir tereptin, aqdéngizning shimaliy qismi bilen jenubiy qismi otturisidiki ijtimaiy – iqtisadiy perqning zoriyiwatqanliqini qeyt qilghan borél, mundaq dep körsetti: «aqdéngizning shimaliy qismi jenubiy qismigha qarighanda 16 hesse bay bolup, bu perq aziyish uyaqta tursun, eksiche barghanséri zoriyiwatidu. köpligen mesililerning otturigha chiqshi sewebimu del mushu.»



مۇناسىۋەتلىك خەۋەرلەر