yawropada waksina yil axiridin burun testiqlinishi mumkin

yawropa dora idarisi(EMA) wuxen wirusi(Kovid-19)gha qarshi waksina tetqiq qilip yasighan shirketlerning hazirche testiq üchün iltimas sunmighanliqini, emma iltimas sunghan ehwalda deslepki testiqning yil (2020) axirlishishtin burun bérilidighanliqini bildürdi.

1535673
yawropada waksina yil axiridin burun testiqlinishi mumkin

türkiye awazi radiyosi xewiri: waksina we dorilargha testiq béridighan yawropa ittipaqining orgini bolghan yawropa dora idarisi, testiq iltimasi bolmisimu üch shirket tetqiq qiliwatqan waksinalar üstide téz sürette tekshürüsh élip barmaqta. bular fayzér (Pfizer) bilen hemkarlashqan biyonték (BioNTech) ning «BNT162b2» waksinasi, oksford uniwérstéti bilen hemkarlashqan astra zénéka (AstraZeneca)ning «ChAdOx1-SARS-CoV-2» waksinasi we modérna biyoték spéyin (Moderna Biotech Spain) shirkitining «mRNA-1273» waksinasi.

hazirghiche bolghan jeryanda, klinkiliq tetqiqatlarda qolgha kelgen netijiler yawropa dora idarisigha dawamliq kéliwatqan bolghachqa, mesul dairiler testiqlash mesiliside éniq waqit bérishtin özini qachurmaqta. shundaqtimu waksina ishlepchiqarghuchi shirketlerning eng qisqa waqit ichide yawropa dora idarisigha resmiy testiq iltimasini sunushi kütülmekte. bu sewebtin, yawropa dora idarisining mesulliri deslepki testiqning yil axirlishishtin burun bérilishi mumkinlikini oylashmaqta.

klinkiliq tejribilerde, fayzér we biyontékning waksinalirining ünümi %95 ke, modérnaning %95.4 ke, bir shishe astra zénéka we oksford waksinasi %70 ke, bir yérim yaki toluq bir shishe waksinasining ünümi %90 ke yetti.

oksford uniwérstéti tetqiq qilghan waksinaning melumatlirida xataliq bolush mumkinliki we téximu köp tetqiqatlarning élip bérilishi kérekliki bildürüldi.

yawropa ittipaqi hazirghiche «ümid wedisi» ni bergen alte shirket bilen texminen 2 milyard shishe waksina sétiwélish toxtimi imzalidi.   



مۇناسىۋەتلىك خەۋەرلەر