laworw: yawropa ittipaqidiki nurghun döletler tekebburluq qilish aditidin waz kechmeywatidu

rusiye tashqi ishlar ministiri sérgéy lawrow yawropa ittipaqidiki nurghun döletlerning tekebburluq qilish aditidin waz kechmeywatqanliqini éytti.

1535311
laworw: yawropa ittipaqidiki nurghun döletler tekebburluq qilish aditidin waz kechmeywatidu

türkiye awazi radiyosi xewiri: laworw, bélarusiye we rusiye tashqi ishlar ministirliqliri otturisida miniskte chaqirilghan yighinda, yawropa ittipaqini tenqid qildi, hemde düshmenlerche pozitsiye tutushi sewebidin, yawropa ittipaqi bilen bolghan munasiwetlerni yaxshilashning qolay emeslikini tekitlep mundaq dédi: «yawropa ittipaqidiki nurghun döletler, nopuzining küchlük bolushi seweblik, bashqilar heqqide bayanat élan qilghanda, tekebburluq qilish aditidin waz kechmeywatidu, bu adet, özara hörmet qilish, qaytidin barawerlik asasida diyalog ornitish imkaniyetlirige chek qoyuwatidu.»

bélarusiye tashqi ishlar ministiri wiladimir makéy bilen birlikte birleshme muxbirlarni kütüwélish yighini ötküzgen  laworw, amérika qoshma ishtatliri we bir qisim yawropa ellirining bashqa döletlerning ichki ishlirigha dawamliq arilishidighanliqini bayan qilip, mundaq dédi: «bu döletler atalmish ​​renglik inqilablarning meynet métodlirini dawamliq ishlitiwatidu. biz bu métodlarning qandaq ishlitiliwatqanliqini bélarusiyede körüwatimiz.»

bélarusiyening rusiyening ittipaqdishi we istiratégiyelik hemrahi qérindash bir dölet ikenlikini eskertken laworw, bélarusiyede muqimliq üchün, hökümetning teshebbusi bilen élip bérilidighan asasiy qanun islahatining muhim bir qedem bolidighanliqini otturigha qoyush bilen bir waqitta, gérmaniyening yéqindin buyan, shimaliy atlantik ehdi teshkilati we yawropa ittipaqi ezasi bolmighan döletlerge qarshi zorawanlarche pozitsiye tutushta «parawuz» gha aylanghanliqini, gherbning kishilik hoquq mesiliside qosh ölchem qolliniwatqanliqini qeyt qildi.

u yene, firansiye, gérmaniye we polshadiki kocha namayishlirida saqchilarning zorawanliq qilip, namayishchilarni tarqitishigha héchkimning bir néme démigenlikinimu sözlirige ilawe qildi.

bélarusiye tashqi ishlar ministiri makéymu, yawropa bixeterlik we hemkarliq teshkilati kishilik hoquq kéngishide, «bélarusiye mesilisi» ge alaqidar yéqinqi özgirishlerning, adaletsiz émbargo tedbirlirining, yawropa ittipaqi teripidin weziyetning siyasiylashturulghanliqiini éniq körsitip béridighanliqini ilgiri sürüsh bilen bir waqitta, gherbning kishilik hoquqqa munasiwetlik mesililerni kozérgha aylanduruwalghanliqini we qosh öchemlik pozitsiye tutuwatqanliqini qeyt qildi.

u yene, yawropa kéngishi bilen hemkarliq pirogrammiliri mesiliside bélarusiye bilen kélishim bolmasliqigha qarimay, herqandaq bir qarar maqullighan teqdirde, bu teshkilat bilen bolghan uchur – alaqini üzidighanliqlirinimu sözlirige ilawe qildi.



مۇناسىۋەتلىك خەۋەرلەر