lawrow xelife hafterning siyasiy ittipaqdishi salih bilen körüshti

rusiye tashqi ishlar ministiri sérgéy lawrow liwiyening sherqidiki qoralliq küchlerning rehbiri xelife hafterning siyasiy ittipaqdishi tobruk awam palatasining bashliqi akile salih bilen körüshti.

1533986
lawrow xelife hafterning siyasiy ittipaqdishi salih bilen körüshti

türkiye awazi radiyosi xewiri: rusiye tashqi ishlar ministirliqi sérgéy lawrowning moskwada liwiyening sherqidiki qoralliq küchlerning rehbiri xelife hafterning siyasiy ittipaqdishi tobruk awam palatasining bashliqi akile salih bilen körüshkenliki toghrisida bayanat élan qildi.

sérgéy lawrow körüshüshtin burun söz qilip, liwiyede uzundin béri urushning toxtighanliqini alahide eskertti.

u 2020-yili awghustta liwiye bash ministiri fayiz essaraj bilen salihning körüshüshi, siyasiy musapining qaytidin bashlinishida muhim rol oynighanliqini bildürüp: «mesililer bar bolsimu, siyasiy musape dawamlishiwatidu we barghanséri tézlishiwatidu» dédi.

u liwiyede mesililer baldur hel qilinghan we toqunushlardin kéyin normal hayatqa qaytish bashlanghan ehwalda, ikki terep munasiwetlirining tézla qaytidin eslige kélidighanliqini tekitlidi.

lawrow-salih körüshüshi axbaratqa yépiq shekilde ötküzüldi. körüshüshke munasiwetlik héchqandaq bayanat élan qilinmidi.

liwiyening sherqige jaylashqan tobruk shehirining akile salih rehberlikidiki awam palatasi, gheyriy resmiy qoralliq küchlerning rehbiri xelife hafterni qollaydu.

salih xelife hafterni «marshal» dep élan qilghan we paytext tiripolini qolgha kirgüzüsh üchün bashlighan urushni qollighan idi.

b d t bashchiliqida tunista échilghan liwiye diyalog munbiride, liwiye ötkünchi musapisini 2021-yili dölet bayrimi bolghan 24-dékabirda ötküzülidighan saylam bilen axirlashturush toghrisida kélishim hasil qilinghan bolsimu, salihning ötkünchi mezgilde pirézidéntliq hoquqini yürgüzidighan kéngesh reisi bolushni telep qilishi sewebidin bu jeryan toxtap qalghan idi.      



مۇناسىۋەتلىك خەۋەرلەر