nétanyahu: ayropilanlirimiz süriyediki iran küchliri we süriye nuqtilirini bombardiman qildi

isirailiye bash ministiri biyamin nétanyahu isirailiye ayropilanlirining süriyede iran küchliri bilen süriye armiyesining nishanlirini bombardiman qilghanliqini élan qildi.

1530401
nétanyahu: ayropilanlirimiz süriyediki iran küchliri we süriye nuqtilirini bombardiman qildi

türkiye awazi radiyosi xewiri: isirailiye bash ministirliq ishxanisi yazma bayanat élan qilip, nétanyahuning: «tünügün (2020-yili 18-noyabir) hawa qismimiz süriyediki iran quddus küchi bilen süriye armiyesining muhim nuqtilirini bombardiman qildi. bu, men yillardin buyan bashchiliq qiliwatqan keskin siyasettur» dégenlikini qeyt qildi.

u iranning süriyede isirailiyege qarshi herbiy yiltiz tartishigha ruxset qilalmaydighanliqlirini tekitlep, mundaq dédi:

«iranning süriyede bizge qarshi herbiy orunlishishigha ruxset qilmaymiz. bizge süriye zéminliridin her qandaq shekilde hujum qilishigha yol qoyalmaymiz. bizge hujum qilishqa urunghan yaki bizge hujum qilghan kim bolushidin qetiynezer, aqiwitige mesul bolidu.»

isirailiye armiyesi tünügün élan qilghan yazma bayanatida, isirailiye ayropilanlirining süriye armiyesi bilen quddus küchining qoral-yaragh iskilatliri we hawa qoghdinish sistémisi qatarliq sekkiz herbiy nuqtini bombardiman qilghanliqini bildürgen idi.

süriye sana (SANA) agéntliqi herbiy menbeni asas qilip élan qilghan xewiride, isirailiyening ishghal astidiki golan égizlikidin demeshiqning jenubidiki herbiy nuqtilarni bombardiman qilghanliqi bildürülgen idi.

isirailiye armiyesi süriye chégrasining isirailiye teripide nurghun patlighuchi maddilarning barliqini élan qilghan idi.    



مۇناسىۋەتلىك خەۋەرلەر