15 dölette yuqum sani élan qilinghinidin köp iken

türkiye awazi radiyosi xewiri: awstiraliye dölet uniwérstétining intérnét bétide élan qilinghan bir xewerde bildürülishiche, awstiraliye dölet uniwérstéti, mélborn uniwérstéti we ikigay tetqiqat merkizining mutexessisliri yawropadiki 11 dölet bilen awstiraliye, kanada, jenubiy koréye we amérikadiki 800 milyon nopusni asas qilghan halda wuxen wirusigha munasiwetlik weqelerni hésablap chiqqan.

tetqiqat jeryanida, yawropa késelliklerning aldini élish we kontrol qilish merkizi élan qilghan wuxen wirusigha munasiwetlik ölümler analiz qilinghan.

tetqiqatta, engliye, firansiye we bélgiyede wuxen wirusigha munasiwetlik reqemlerning élan qilinghinidin alte hesse, italiyede 17 hesse köp ikenliki otturigha chiqqan.

tetqiqatta qeyt qilinishiche, awstiraliye aprél éyi (2021) ning axirighiche 15 dölet arisida eng yaxshi bayqash sewiyesige ige bolup, awghust éyining axirida yuqum nisbitining resmiy élan qilinghan reqemdin besh hesse köp bolushi mumkin iken.

tetqiqat guruppisidiki piroféssor kwintin grafton (Quentin Grafton): «nurghun döletlerde wuxen wirusi yuqumlirining élan qilinghan reqemlerdin téximu köp ikenlikini bayqiduq. bu ehwal kontrol astidiki yuqum étimalliqigha muhim tesir körsitidu. analizlar engliyede 5.4 milyon köp kishining (texminen omumiy nopusning %8i) wuxen wirusi bilen yuqumlanghanliqini otturigha chiqardi» dédi.

tetqiqat netijisi «Royal Society Open Science» zhurnilida élan qilindi.