америкада ваба сәвәбидин җенидин айрилғанлар254 миңдин ашти

дунйада вухән вируси (Kovid-19) сәвәбидин җенидин айрилғанлар сани 1 милйон 345 миңдин, йуқумланғанлар сани 56 милйон 16 миңдин вә саламәтлики йахшиланғанлар сани 39 милйон 28 миңдин ашти.

1529982
америкада ваба сәвәбидин җенидин айрилғанлар254 миңдин ашти

түркийә авази радийоси хәвири: америкада вухән вируси сәвәбидин җенидин айрилғанлар сани 254 миң 291 гә, йуқумланғанлар сани 11 милйон 697 миңға чиқти. дөләт миқйасида 30 минутта нәтиҗиси чиқидиған вә өйдә тәкшүрүшкә болидиған дийагноз үскүнисини ишлитишкә рухсәт қилинди.

америка мәркизи банкаси(Fed) ниң башлиқи җером павел (Jerome Powell) вухән вирусиға мунасивәтлик вәқәләрниң көпийишиниң, иқтисадий әслигә келиштә әндишә пәйда қилидиғанлиқини әскәртип, иқтисадниң малийә вә пул җәһәттин йардәмгә еһтийаҗлиқ икәнликини билдүрди.

тексас иштатида вухән вирусиға мунасивәтлик вәқәләрниң көпийип кетиши сәвәбидин йемәк-ичмәк еһтийаҗиниң ашқанлиқи вә 14-нойабир  даллас шәһиридә 72 тоннидин артуқ йемәк-ичмәк тарқитилғанлиқи қәйт қилинди.

билдүрүлишичә, 25 миң киши йемәк-ичмәк йишикини елиш үчүн 6 миңдин артуқ аптомобил билән узун өчирәт һасил қилған.  

 йавропада вабаниң мәркизигә айланған әнглийәдә, йеқинқи 24 саәттә вухән вируси сәвәбидин 598 киши җенидин айрилди, 20 миң 51 киши йуқумланди. буниң билән, вухән вируси сәвәбидин җәмий җенидин айрилғанлар 52 миң 745 кә, җәмий йуқумланғанлар сани 410 миң 732 гә чиқти.

италийәдә йеқинқи 24 саәттә вухән вируси сәвәбидин 731 киши җенидин айрилди, 32 миң 191 киши йуқумланди. вухән вируси сәвәбидин җенидин айрилғанларниң җәмий сани 46 миң 464 кә, җәмий йуқумланғанлар сани 238 миң 72 гә чиқти.

фирансийәдә йеқинқи 24 саәттә дохтурханиларда вухән вируси сәвәбидин 437 киши җенидин айрилди. йеқинқи төт күндә санаторийәләрдә вухән вируси сәвәбидин 791 киши җенидин айрилди. буниң билән, вухән вируси сәвәбидин җенидин айрилғанларниң җәмий сани 46 миң 273 кә, җәмий йуқумланғанлар сани 2 милйон 36 миң 755 кә чиқти.

испанийәдә йеқинқи бир күндә вухән вируси сәвәбидин 435 киши җенидин айрилди вә җәмий сан 41 миң 688 гә чиқти. охшаш вақитта, 13 миң 159 киши йуқумланди вә җәмий сан 1 милйон 510 миң 23 кә чиқти.

португалийә сәһийә министирлиқи йеқинқи 24 саәттә вухән вируси сәвәбидин 81 кишиниң җенидин айрилғанлиқини вә 4 миң 452 кишиниң йуқумланғанлиқини елан қилди. буниң билән, вухән вируси сәвәбидин җенидин айрилғанларниң җәмий сани 3 миң 553 кә, җәмий йуқумланғанлар сани 230 миң 124 кә чиқти.

вухгн вируси сәвәбидин 11 миң 74 киши җенидин айрилған канадада, йеқинқи бир һәптидә 28 миң 970 киши йуқумланди вә җәмий йуқумланғанлар сани 305 миң 436 гә чиқти.

вухән вирусиға қарши қаттиқ тәдбирләр йолға қойулған голландийәдә, күнлүк йуқум саниниң төвәнлиши билән аммиға ечиветилгән җайлар вә биналарда қайтидин паалийәтләр башланди. йеқинқи икки һәптидин буйан тақиветилгән кинохана, музейи, тийатирхана, кутупхана, көңүл ечиш бағчилири, су үзүш көлчәклири вә һайванатлар бағчиси қатарлиқ җайларниң әтә (2020-йили 19-нойабир) дин башлап ечилидиғанлиқи уқтурулди.

вухән вируси сәвәбидин 14 миң 839 киши җенидин айрилған, 540 миң 605 киши йуқумланған белгийәдә, вирусқа қарши йасалған ваксина хәлққә һәқсиз урулиду. мәҗбурий болмиған ваксина алди билән сәһийә хадимлириға вә йашанғанларға урулиду.

косовуда һашим тачи истепа бәргәндин кейин, пирезидентлиқ вәзиписини вакалитән тапшурувалған парламент башлиқи вҗоса османи вухән вируси билән йуқумланди. османи йиғинларға интернет арқилиқ қатнишидиғанлиқини уқтурди.

украина сәһийә министирлиқиниң мәлуматлирида көрситилишичә, вухән вируси сәвәбидин йеқинқи бир күндә 256 кишиниң җенидин айрилиши билән, җәмий сан 10 миң 112 гә чиққан. бу вирусқа мунасивәтлик әң йуқири күнлүк өлүм сани болуп қалған. охшаш вақитта 12 миң 496 кишиниң йуқумлиниши билән, җәмий йуқум сани 570 миң 153 кә чиққан.

асийа қитәсидә вухән вирусиниң әң еғир тәсиригә учриған һиндистанда, вухән вируси сәвәбидин җенидин айрилғанлар сани 131 миң 31 гә, йуқумланғанлар сани 8 милйон 912 миң 907 гә чиқти.

русийәдә вухән вируси сәвәбидин җенидин айрилғанлар 34 миң 387 гә, йуқумланғанлар сани 1 милйон 991 миңға чиқти.

иранда вухән вируси сәвәбидин җенидин айрилғанлар сани 42 миң 461 гә, йуқумланғанлар сани 788 миң 473 кә чиқти.

иран пирезиденти һәсән руһани вухән вируси тәдбирлири рамкисида 2020-йили 21-нойабирдин башлап бәзи чәклимиләрниң йолға қойулидиғанлиқини, бу мәзгилдә турмушта қийинчилиқи бар тәхминән 10 милйон аилигә 100 миң түмән нәқ пул вә 1 милйон түмән қәрз берилидиғанлиқини уқтурди.

ирақтики әрбил валийси фәрәст софи вирус сәвәбидин җенидин айрилди.

җәнубий африқа җумһурийитидә, 35 миң 490 сәһийә хадими вухән вируси билән йуқумланди, 338 сәһийә хадими җенидин айрилди. буниң билән, вухән вируси сәвәбидин җенидин айрилғанларниң җәмий сани 20 миң 314 кә, җәмий йуқумланғанлар сани 752 миң 209 ға чиқти.



مۇناسىۋەتلىك خەۋەرلەر