mérkél: kowid-19 gha qarshi küreshte ijtimaiy uchrishishni yenimu azaytish kérek
gérmaniye bash ministiri angéla mérkél kowid-19 gha qarshi küreshte ijtimaiy uchrishishni yenimu azaytish kéreklikini telep qildi.
türkiye awazi radiyosi xewiri: mérkél sinalghu yighini arqiliq her qaysi ölke reisliri bilen ötküzgen kowid -19 témiliq meslihet yighinidin kéyin bayanat élan qildi.
mérkél kowid -19 gha qarshi hazirghiche yolgha qoyulghan tedbirlerning yuqumning hessilep éshishining aldini alghanliqini tekitlep: «bir qétim bolsimu özara uchrishish bolmighini yaxshi. shunga biz yene bir qétim shuni éniq otturigha qoyimizki, xususiy yighilish we tebriklesh paaliyetliridin qetiy saqlinishinglar lazim» dédi.
yuqumgha qarshi küresh heqqide 25 – noyabirda qayta yighin ötküzülidighanliqini élan qilghan mérkél, kéler heptidiki yighinda mudditi 30 – noyabirda toshishi pilanlanghan cheklimilerning téximu kücheytilishining nuqtiliq kün tertipte bolidighanliqini éytti.
mérkél yene éhtiyajliq kishilerge 15 FFP2 tipliq maskini azghine heq élish bilen tarqitish qarari alghanliqini bildürdi.
