سۈرىيەدە بەششار ئەسەد ھۆكۈمىتىنىڭ تاشقى ئىشلار مىنىستىرى ۋەلىد مۇئەللىم ئۆلدى

تۈركىيە ئاۋازى رادىيوسى خەۋىرى: خەۋەردە، ۋەلىد مۇئەللىمنىڭ ئۆلۈش سەۋەبى ھەققىدە ھېچقانداق  مەلۇمات بېرىلمىدى.

79 ياشلىق ۋەلىد مۇئەللىم 2006 - يىلى 11 - فېۋرالدىن باشلاپ ئەسەد ھۆكۈمىتىنىڭ تاشقى ئىشلار مىنىستىرى بولغان ئىدى.

مۇئەللىم سۈرىيەدىكى ئىچكى ئۇرۇشتا بەششار ئەسەد ھاكىمىيىتىنىڭ ئەڭ چوڭ قوللىغۇچىلىرىدىن بىرى سۈپىتىدە ھەممىنىڭ دىققىتىنى تارتقان ئىدى.

ۋەلىد مۇللىم 1941 - يىلى پايتەخت دەمەشىقتە تۇغۇلغان، 1990 - يىلىدىن 1999 – يىللىرىغىچە بولغان مەزگىلدە سۈرىيەنىڭ ئامېرىكادا تۇرۇشلۇق باش ئەلچىلىك ۋەزىپىسىنى ئۆتىگەن ئىدى.