tramp aliy sotqa erz qilishi mumkinlikini éytti

türkiye awazi radiyosi xewiri: pirézidént tramp 3-noyabir (2020) ötküzülgen we netijiliri hazirghiche jezmleshmigen saylamlar toghrisida aqsarayda axbarat élan qilish yighini ötküzdi.

u saylamlarning bixeterlikini saqlash üchün zor tirishchanliq körsetkenliklirini bildürüp: «qanuniy yollar bilen tashlanghan béletlerni hésablisanglar, biz saylamda nahayiti asanla utimiz. qanunsiz we kéchikip kelgen béletlerni sanisanglar, démokratlar bu saylamni bizdin oghriliwélishi mumkin. buninggha ehmiyet bérimiz» dédi.

u hazirning özide florida, ayowa, indiyana, oxayo qatarliq muhim ishtatlarda ghelibe qilghanliqlirini eskertip: «biz chong taratqular, pul we téxnologiye shirketlirining tosqunluqigha qarimay, bu zeperlerni qolgha keltürduq. elrayi shirketliri bu saylamda bilip turup, xata uchur berdi. bu nahayiti bimenilik. olighanliridek kök dolqun yü zbermidi, uning ornigha qizil dolqun chiqti. taratqulardiki elrayi netijiliri arqiliq saylamgha arilishishqa urundi» dédi.

u kéngesh palatasida üstünlükni igelligenliklirini, awam palatasida orunlirini yoqitip qoymighanliqlirini bildürüp: «barliq hel qilghuch yerlerde biz ghelibe qiliwatattuq. kéyinche tuyuqsizla möjzilik shekilde bélet sanimiz chüshüshke bashlidi. démokratlar közetküchilerning qanuniy hoquqliridin paydilinishigha ruxset qilmidi. bezi jaylarda sotqa erz qilduq» dédi.

u netijilerning téxiche jezmleshmigen arizonada ghelibe qilidighanliqlirigha ishinidighanliqini tekitlep: «biz bu saylamning bixeterlikini qoghdaymiz we qanunsizliqning mushundaq muhim saylamni oghrilishigha ruxset qilmaymiz. héchkimning awazining basturulushigha we rast bolmighan netijilerning peyda qilinishigha ruxset qilmaymiz. biz bu yerde ‹qanuniy› dégen sözni teleppuz qilishqa mejburmiz. barliq qanuniy béletler sanilishi kérek. biz ochuq-ashkara bolushni telep qilimiz. mexpiy bélet sanash öylirini, sirliq halda peyda bolup qalghan awaz tamghilirini we saylam künidin kéyin qanunsiz halda tashlanghan béletlerni xalimaymiz. otturida nurghun dewalar bolidu. chünki qolimizda nurghun deliller bar. bu aliy sotta axirlishishi mumkin. bizning nurghun erz qilghanliqimizni körsiler, chünki bu saylam bizdin oghriliwélinghan bolushi mumkin. bir qanche ay burunla pochta arqiliq tashlanghan béletlerning apet bolidighanliqini éytqan idim» dédi.

démokratlarning namzati jo baydin twittérda bayanat élan qilip: «héchkim démokratiyeni tartiwalalmaydu, hazirmu we kéyinmu» dédi.

u délawara ishtatida bayanat élan qilghanda, saylamda ghelibe qilidighanliqidin gumanlaymaydighanliqini bildürüp, qollighuchiliridin temkin bolushni telep qilghan idi.