tramp ezerbeyjan bilen erméniye otturisidiki urush toxtitishning buzulghanliqidin  epsuslandi

amérika pirézidénti donald tramp ezerbeyjan bilen erméniye otturisidiki urush toxtitishning buzulghanliqini körüshning epsuslinarliq ish bolghanliqini bildürdi.

1517375
tramp ezerbeyjan bilen erméniye otturisidiki urush toxtitishning buzulghanliqidin  epsuslandi

türkiye awazi radiyosi xewiri: donald tramp michigan ishtatida ötküzidighan yighilish üchün ayropilanigha chiqishtin ilgiri andréws hawa armiye bazisida muxbirlarning soallirigha jawab berdi.

bir muxbirning «erméniye bilen ezerbeyjan otturisidiki urush toxtitishning buzulghanliqidin epsuslandingizmu?» dégen sualigha tramp: «ezerbeyjan bilen erméniye yaxshi chüshinishelmeywatidu. uzundin buyan bu mesile bilen hepilishiwatimiz. shundaq, urush toxtitishning buzulghanliqini körüsh epsuslinarliq bir ish» dédi.

donald tramp uzundin buyan özara chüshinishmeslik bolghan döletlerde urush toxtitishning buzulup kéliwatqanliqini eskertip, «ular yene qayta bir yerge jem bolidu» dédi.

ezerbeyjanning muawin pirézidénti hikmet hajiyéw tünügün tiwittér hésabida élan qilghan bayanatida, erméniyening puqralargha ishlitilishi cheklengen misket bombiliq smérch bashqurulidighan bomba bilen qarayusuflu shehiridiki puqralarni bombardiman qilghanliqini bildürgen idi.

hajiyéw hujumda 4 kishining qaza qilghanliqini we 13 kishining yarilanghanliqini uqturghan idi.

amérika ezerbeyjan bilen erméniyening kélishkenlikini jakarlighan taghliq qarabaghda waqitliq insanperwerlik urush toxtitish kélishimi, 26 – öktebir shu yerning waqti saet 08:00 de küchke ige bolghan idi.



مۇناسىۋەتلىك خەۋەرلەر