imran xan xitayning iqtisadiy karidoridin afghanistan we pakistanning nep alalaydighanliqini éytti

pakistan bash ministiri imran xan hindistanning afghanistan zéminidin paydilinip, dölitini muqimsizlashturushidin endishe qilidighanliqini bildürdi.

1516668
imran xan xitayning iqtisadiy karidoridin afghanistan we pakistanning nep alalaydighanliqini éytti

türkiye awazi radiyosi xewiri: pakistan metbuatlirining xewer qilishiche, bash ministir imran xan pakistan-afghanistan soda we sélinma munbiri yighinida qilghan sözide , dölitining afghanistanning tinchliqi we muqimliqidiki rolini dawamlashturushtiki qetiy iradisini qayta tekitligen.

imran xan afghanistanda hakimiyet béshigha kimning kélishidin qetiy nezer, pakistanning munasiwetlerni kücheytishni qarar qilghanliqini tilgha élip, ikki döletning kelgüsining ittipaqliqqa, öz-ara soda we iqtisadiy munasiwetning küchiyishige baghliq  ikenlikini éytti.

afghanistan we pakistanning xitay-pakistan iqtisadiy karidoridin nep alalaydighanliqini tilgha alghan imran xan, ikki döletning soda  - sanaet merkizige aylinalaydighanliqini bildürdi.

imran xan yene, hindistanning afghanistan zéminini ishlitip pakistanni muqimsizlashturushqa urunushidin endishe qilidighanliqini tilgha aldi we  keshmir mesilisi üstidimu toxtilip, bu mesile birleshken döletler teshkilati bixeterlik kéngishining qararigha asasen hel qilinghangha qeder her qaysi rayonluq we xelqaraliq munberlerde pakistanning mesilini küntertipte tutidighanliqini éytti.


خەتكۈچ: #afghanistan , #xitay , #pakistan

مۇناسىۋەتلىك خەۋەرلەر