xitay teywenge qoral satqan amérika shirketlirige imbargo yürgüzidighanliqini jakarlidi

xitay teywenni qoral bilen teminleydighan amérika shirketliri we shexslirige émbargo yürgüzülidighanliqini élan qildi.

1516040
xitay teywenge qoral satqan amérika shirketlirige imbargo yürgüzidighanliqini jakarlidi

türkiye awazi radiyosi xewiri: xitay tashqi ishlar ministirliqi bayanatchisi jaw lijyen axbaratchilargha bergen bayanatida: «xitayning dölet menpeetini qoghdash üchün, merkizi hökümet ‹Lockheed Martin›, ‹Boeing Defense› we ‹Raytheon› qatarliq amérikaning teywenge qoral sétishigha qatnashqan amérika shirketlirige émbargo yürgüzüsh üchün zörür bolghan tedbirlerni ishlitish qarari aldi» dédi.

jaw qoral-yaragh sétishta «nachar arxipi» bolghan amérika shirkiti we shexslirige émbargo yürgüzilidighanliqini éytti.

amérika tashqi ishlar ministirliqi 21 - öktebirde teywenge 1 milyard 800 milyon dollarliq bashqurulidighan bomba, «HIMARS» rakéta sistémisi we radar sistémisining sétilishini testiqlighan idi.

amérika dölet mudapie bixeterlik hemkarliq orgini shu küni sétishlargha alaqidar üch ayrim bayanat élan qilip, bu mesile toghrisidiki uqturushning amérika palatasigha yollanghanliqini jakarlighan idi.

xitay tashqi ishlar ministirliqi bayanatchisi jaw 22 - öktebir (2020) élan qilghan bayanatida, xitayning amérikani pilanlanghan qoral sétishtin waz kéchishke we teywen bilen bolghan herbiy alaqini toxtitishqa chaqiridighanliqini bildürüp, xitayning ilgirileshlerge qarap kéreklik inkas qayturidighanliqini tekitligen idi.


خەتكۈچ: #amérika , #teywen , #xitay

مۇناسىۋەتلىك خەۋەرلەر