dawud shihab: türkiye musulmanlarning tirik  wijdani

pelestin islam jihad herikitining bayanatchisi dawud shihab, türkiyening musulmanlarning tirik  wijdani ikenlikini éytti.

1516061
dawud shihab: türkiye musulmanlarning tirik  wijdani

türkiye awazi radiyosi xewiri: pelestin islam jihad herikitining bayanatchisi dawud shihab: «türkiye gherb irqchiliqi bilen yüzlishishte, islam dunyasigha wekillik qiliwetidu we türkiye musulmanlarning tirik wijdani» dédi.

dawud shihab élan qilghan bayanatida, türkiye jumhur reisi rejep tayyip erdoghanning firansiye iprézidénti émmanuél makron toghrisidiki bayanatidin yawropa ittipaqining biaram bolghanliqigha qattiq epsuslinidighanliqini éytti.

dawud shihab pikir we bayan erkinliki bilen maxtinidighan yawropa ittipaqining bu pozitsiyesining ittipaqning qosh ölchimini ekis ettüridighanliqini eskertip: «türkiye gherb irqchiliqi bilen yüzlishishte, islam dunyasigha wekillik qiliwatidu we türkiye musulmanlarning tirik wijdanidur» dédi.

yawropa ittipaqi tashqi ishlar we bixeterlik siyasiti aliy wekili josép borrél twittérda élan qilghan bayanatida, erdoghanning makron toghrisidiki bayanatini qobul qilghili bolmaydighanliqini bildürgen idi.

firansiyede muhemmed eleyhissalamgha haqaret qilidighan hejwiy resimlerning neshr qilinishi we pirézidént makronning bularni neshr qilishtin waz kechmeydighanliqlirini élan qilishi qattiq naraziliq qozighan idi.

jumhur reis erdoghanmu makronning sözilirige qarita, «dölitidiki milyonlighan her xil étiqadtiki kishilerge bundaq pozitsiye tutidighan dölet rehbirige néme déyilishi kérek? aldi bilen eqliy normalliqini tekshürütüp baqsun» déyish arqiliq naraziliqini ipadiligen idi.

buninggha qarita élisé sariyi (firansiye pirizédéntliq sariyi) élan qilghan bayanatida, jumhur reis erdoghanning makron heqqidiki bayanlirini qobul qilghili bolmaydighanliqini bildürgen  we firansiyening enqerede turushluq bash elchisi hérwé magroni meslihet üchün dölitige qayturup kelgen idi.

bu ariliqta, pelestin, kuweyt, pakistan, liwan, qatar we liwiye qatarliq islam dunyasida makrongha we firansiyege bolghan naraziliqlar dawamlashmaqta.



مۇناسىۋەتلىك خەۋەرلەر