америкада пирезидентлиқ сайлими үчүн 56 милйондин артуқ киши муддәттин бурун беләт ташлап болди

америкада 3 – нойабир өткүзүлидиған пирезидентлиқ сайлиминиң йеқинлишишиға әгишип, нурғун иштатларда муддәттин илгири беләт ташлаш башланди вә һазирға қәдәр 56 милйондин артуқ киши беләт ташлап болди.

1515438
америкада пирезидентлиқ сайлими үчүн 56 милйондин артуқ киши муддәттин бурун беләт ташлап болди

 

түркийә авази радийоси хәвири: америкадики пирезидентлиқ сайлимида муддәттин илгири беләт ташлаш учурлирини топлайдиған интирнет тори «америка сайлам лайиһәси» ниң хәвиригә асасланғанда, почта вә сандуқ арқилиқ 56 милйон 567 миңдин артуқ киши беләт ташлап болған.

почта арқилиқ ташланған беләт сани 38 милйондин ешип кәткән, тәхминән 17 милйон киши сайлам мәркәзлиридә беләтлирини бир- бирләп ташлашни таллиған.

нийу йорк иштатида муддәттин илгири беләт ташлаш бүгүн башлиған болуп, нурғун беләт ташлаш понкити алдида узун өчрәт шәкилләнгән.

һәптә ахири болушниңму тәсиридә, нийу йоркниң шәһәр мәркизидә әтигәндә башланған зичлиқ кейинки саәтләргичә давамлашқанлиқи билдүрүлди.

филорида унверсититиниң сайлам мутәхәссиси вә «америка сайлам лайиһәси» ториниң башқурғучиси профессор майкел макдоналд алдинқи байанатида, ковид-19 йуқуми сәвәбидин нурғун иштатларда почта арқилиқ йаки сандуқта муддәттин илгири беләт ташлашқа рухсәт қилинғанлиқиниң беләт ташлаш нисбитиниң ешишиға сәвәб болидиғанлиқини билдүргән иди.

макдоналд муддәттин бурун беләт ташлаш нисбитигә асасән, сайламда 150 милйон беләт ташлиниши мумкинликигә даир тәхминини ортақлашқан вә буниң мәмликәттики сайлиғучиларниң %65 гә тоғра келидиғанлиқини һәмдә беләт ташлаш нисбитиниң 1908 - йилдин бойанқи әң йуқири сәвийәгә чиқиши мөлчәрлиниватқанлиқини тәкитлигән иди.



مۇناسىۋەتلىك خەۋەرلەر