seudi erebistan firansiyediki islam düshmenlikini qollap quwwetlidi

seudi erebistan: «musulmanlar özliri az sanliq millet bolghan döletlerning ijraatlirigha, qanunlirigha we organlirigha tenqidiy pikirde bolmasliqliri kérek» dédi.

1515461
seudi erebistan firansiyediki islam düshmenlikini qollap quwwetlidi
Suudi Arabistan.jpg
suudi veliaht prens selman.jpg

türkiye awazi radiyosi xewiri: seudi erebistan firansiye pirézidénti émmanuél makronning «islamchi bölgünchilik idiyeliri» ge qarshi kürishini qollap quwwetlidi.

seudi erebistanda turushluq dunya islam ittipaqi (rabita) ning bash katipi muhemmed bin abdul kerim el eysa makronning mushu ayning béshida qilghan sözidin 10 kün kéyin, seudi erebistan téléwiziye qanili MBC bilen ötküzgen söhbet programmisida: «musulmanlar özliri az sanliq millet bolghan döletlerning belgilimilirige süküt qilishi we qanungha riaye qilishi kérek» dédi.

text warisi shahzade muhemmed bin selmangha yéqinliqi bilen tonulghan we diniy mesililerdiki meslihetchiliridin biri bolghan muhemmed bin abdul kerim el eysa, musulmanlarning özliri turushluq döletlerning ijraatlirigha, qanunlirigha we organlirigha tenqidiy pikirde bolmasliqliri kéreklikini telep qilip, bu ijraatlarning döletning bixeterlikige we muqimliqigha kapaletlik qilidighanliqini shundaqla jemiyetning uyushushchanliqini kücheytidighanliqini ilgiri sürdi.

dunya islam ittipaqi (rabita) ning bash katipi muhemmed bin abdul kerim el eysa, bu döletlerde yashaydighan musulmanlargha özlirining diniy ibadetlirini qanun ramkilirigha hörmet qilghan asasta ada qilishi kéreklikini tewsiye qilish bilen birge, sirttin kelgen imamlarning öz  kültürlirini dinning bir qismidek köriwalidighanliqini, shunga özliri wezipe ötigen döletlerde choqum terbiyelinishi kéreklikini ilgiri sürdi.

firansiye pirézidénti makron 2 – öktebirde, «islamchi bölgünchi pikirlerge qarshi küresh» namida bayanat élan qilip, «jumhuriyetning shériki bolushi üchün islam choqum islah qilinishi lazim» dégen idi.

makron firansiyediki musulmanlarning bölgünchilik pikirlirini teshebbus qilidighan bir idiologiyege ige ikenlikini we bu kishilerning özlirining qanunlirini firansiyening qanunliridin üstün köridighanliqini bildürgen idi.



مۇناسىۋەتلىك خەۋەرلەر