yaponiye, amérika-yaponiye ittipaqini kücheytishni telep qildi
yaponiye bash weziri suga yoshihidé (Suga Yoşihide) yaponiye-amérika ittipaqini kücheytip, erkin we ochuq bolghan hindi-tinch okyan nishanini emelge ashurushni xalaydighanliqini éytti.
türkiye awazi radiyosi xewiri: yaponiye bash weziri suga yoshihidé tokyoda ziyarette boluwatqan amérika hindi-tinch okyan qomandanliq ishtabidiki admiral filip dawidson (Philip Davidson) ni qobul qilghanda, jenubiy we sherqiy déngizdiki rayonluq xewpsizlik tehditler üstide alahide toxtaldi.
u sherqiy we jenubiy déngizning hazirqi halitini bir tereplimilik halda özgertish üchün qiliniwatqan we barghanséri küchiyiwatqan urunushlardin chongqur endishe qiliwatqanliqini eskertip: «aliy rehberler uchrishish sewiyeside turuwatqan yaponiye-amérika ittipaqini kücheytip, ikki dölet otturisidiki kordinatsiye we hemkarliqlarni chongqurlashturush, erkin we ochuq hindi-tinch okyan nishanini emelge ashurushni xalaymiz» dédi.
admiral filip dawidson: «amérika yaponiye bilen bolghan ittipaqliqtin memnun. bu nishanning emelge éshishigha munasiwetlik hemkarliqlirimizni dawamlashturimiz» dédi.
yaponiye «nikkéy géziti» de bildürülishiche, körüshüshte, shimaliy koréyening 2020-yili séntebirning béshidin bashlap ashkarilighan we «yéngi qiteler ara balistik bashqurulidighan bombilar» ikenliki ilgiri sürülgen tereqqiy qildurulghan qorallar, xitayning rayondiki küchiyiwatqan kéngeymichiliki we okinawadiki amérika herbiy bazilirining ishtat üstidiki yüklirini yenggillitish qatarliq xewpsizlik mesililiri muzakire qilinghan.
